आईपीएल क्रिकेटमा आज कोलकोता र पञ्जाव खेल्दै
बैशाख १४, २०८१ शुक्रबार
काठमाण्डाै – कोरोना भाइरस (काेभिड–१९) को सङ्क्रमण माल्दिभ्स र बङ्गलादेशमा पनि देखिएको छ ।
माल्दिभ्समा चार जनामा र बङ्गलादेशमा तीन जनामा कोरोना भाइरसको सङ्क्रमण देखिएको अन्तर्राष्ट्रिय सञ्चारमाध्यमले जनाएका छन् ।
कोरोना भाइरसको उद्गमस्थल चीनको वुहान शहरमा भने नयाँ सङ्क्रमितको सङ्ख्या घट्न थालेको छ । तर अन्य देशमा कोरोना भाइरसको सङ्क्रमण बढिरहेको खबरमा बताइएकाे छ । चीनमा ४४ जना मात्र नयाँ सङ्क्रमित थपिएकाे चीन सरकारले जनाएको छ ।
चीनमा कोरोना भाइरसका कारण तीन हजार एक सय २० जनाको ज्यान गएको छ भने ५८ हजार सात सय २१ जना उपचारपछि निको भएर घर फर्किएका छन् ।
यस्तै चीनपछि दक्षिण कोरियामा कोरोना भाइरसको सङ्क्रमण बढेको छ । त्यहाँ अहिलेसम्म सात हजार चार सय ७८ जना सङ्क्रमित भएकाे र त्यसमध्ये एक सय ६६ जना उपचारपछि घर फर्किएका छन् ।
दक्षिण कोरियामा ५३ जनाको ज्यान गएको छ भने एक सय ६५ जना नयाँ बिरामी भेटिएका छन् । यस्तै इटलीमा तीन सय ६६ जनाको ज्यान गएको छ भने ६ सय २२ जना उपचारपछि घर फर्किएका छन् ।