कोरोना भाइरस सतहमा कति लामो समयसम्म जीवित रहन्छ ?

चैत १३, २०७६ बिहीबार १३:५१:५३ | एजेन्सी

काठमाण्डौ – कोभिड–१९ अर्थात् कोरोना भाइरस सतहमा पाँच दिनसम्म जीवित रहने देखिएकाले सरसफाइमा विशेष ध्यान दिनुपर्ने एक अध्ययनले देखाएको छ ।
अध्ययन अनुसार ढोकाको ह्याण्डल, गहना, चाँदीका भाँडा, प्लेट, मग, कचौरा, गमलालगायत माटोका सामग्री तथा सिसाका गिलास, बोत्तल, कचौरा र मगमा यो भाइरस पाँच दिनसम्म जीवित रहन्छ ।

साथै कोरोना भाइरस काठबाट बनेका फर्निचर, सजावटका सामग्रीमा चार दिनसम्म जीवित रहन्छ । प्लास्टिकका सामान जस्तै बसका सिट, झोला, बोत्तल तथा रेफ्रिजिरेटर, भाँडा, किचन बेसिनलगायतका सामानमा दुईदेखि तीन दिनसम्म कोरोनाको सङ्क्रमण जीवित रहने देखिएको हो ।

यस्तै कार्डबोर्डमा २४ घण्टा, तामाका भाँडा, पूजा सामान, पानी खाने जग लगायतमा चार घण्टा, आल्मुनियमका झ्याल ढोका, भाँडा, बोत्तलमा दुईदेखि आठ घण्टा, कागजमा केही प्रजाति केही मिनेट मात्रै जीवित रहन्छन् । त्यस्तै अन्य केही वस्तुमा पाँच दिनसम्म भाइरसको सङ्क्रमण जीवित रहने देखिएको वेभएमडीले जनाएको छ ।

कोरोना भाइरस अहिलेसम्म खाना र पानीमा भने पाइएको छैन । तर कुनै पनि फलफुल खानुअघि वा तरकारी पकाउनुअघि राम्रोसँग पखाल्न अध्ययनले सुझाव दिएको छ ।
सङ्क्रमित व्यक्तिले खोक्दा वा हाच्छ्यँु गर्दा उनीहरुको मुखबाट निस्कने कफ वा ओसिला छिटामा भाइरस हुन्छन् । नजिकै रहेको स्वस्थ्य व्यक्तिले सास फेर्दा ती भाइरसयुक्त छिटा शरीरभित्र पसेर उसलाई पनि भाइरस सर्ने गरेको अध्ययनमा संलग्न अनुसन्धानकर्ताले दाबी गरेका छन् ।

सतह वा वस्तु छोएको हातले मुख, नाक वा आँखा छोएमा पनि भाइरसको सङ्क्रमण फैलिने भएकाले राम्ररी साबुन पानीले हात धुन डाक्टरको सुझाव छ । तर कोभिड–१९ नयाँ भएकाले यस बारेमा थप अनुसन्धान हुन बाँकी छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्