छल्न खोज्नेलाई घरमै क्वरेण्टीन

चैत १४, २०७६ शुक्रबार १२:५६:४ | रासस

हुम्ला – कोरोना भाइरस (कोडिड १९) को सम्भावित सङ्क्रमणबाट बच्न दुई हुम्लीलाई प्रहरीले होम क्वरेण्टीनमा राखेको छ ।

नेपालका विभिन्न स्थानीय नाकाहरु तथा प्रहरी चौकीलाई छल्दै भारतबाट आए पनि आफूहरु हवाई टिकट नपाइ नेपालगञ्जबाट आएका हौँ भनि झुट बोल्दै हुम्ला पुगेका खार्पुनाथ गाउँपालिका १ पिउसका एक र त्यही गाउँपालिकाको कारङ्ग गाउँका एक जनालाई होम क्वरेण्टीनमा राखिएको हो ।

प्रहरीले उनीहरु भारतबाट भागेर आएको थाहा पाउनेबित्तिकै याङ्चु प्रहरीको टोली गएर होम क्वरेण्टीनमा बस्न निर्देशन दिएको हो । यसरी भारतबाट भागेर आएकाहरु गाउँ पुग्दा स्थानीयवासी त्रसित हुन पुगेको स्थानीयवासीले बताएका छन् ।

गाउँपालिकामा भारत तथा नेपालका विभिन्न शहरबाट आउनेको सङ्ख्या सङ्कलन भइरहेको जिल्ला प्रहरी कार्यालय हुम्लाका प्रहरी नायब उपरीक्षक (डीएसपी) रामप्रसाद घर्तीमगरले जानकारी दिनुभयो ।

जिल्लाका सात वटै गाउँपालिकाका सम्पूर्ण पालिका प्रमुख, वडा प्रमुख र वडा सदस्यलाई आफ्नो गाउँठाउँमा आफै परिचालित भइ लकडाउनको पूर्ण पालना गराउन अनुरोध गरिएको प्रमुख जिल्ला अधिकारी विनिता भट्टराईले बताउनुभयो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्