‘कोरोना भाइरसको पुनः सङ्क्रमण चिन्ताको विषय’

चैत १६, २०७६ आइतबार ७:४३:४६ | एजेन्सी

काठमाण्डौ – कोरोना भाइरस (कोभिड १९) को सङ्क्रमण भएर निको भएका मानिसमा फेरि चाँडै नै सङ्क्रमण हुने गरेको पाइएको छ ।

जापानका एक पुरुष कोरोना सङ्क्रमणबाट पूरै निको भएर सामान्य जीवनमा फर्किएको केही दिनमा फेरि बिरामी भएको र उनको परीक्षण गर्दा कोरोनाको सङ्क्रमण देखिएको बीबीसीले जनाएको छ । यो निकै चिन्ताको विषय भएको डाक्टरहरुले बताएका छन् ।

प्रतिरोधात्मक क्षमता राम्रोसँग विकास नभएकोले यस्तो हुन सक्ने भए पनि यसले आगामी दिनमा आउने खोप तथा रोग नियन्त्रणमा गम्भीर समस्या ल्याउन सक्ने डाक्टरहरुको बुझाइ छ ।

स्पेनका जैविक प्रविधिसम्बन्धी राष्ट्रिय केन्द्रका भाइरोलजिस्ट लुई इन्वानेस कम्तीमा १४ प्रतिशत बिरामीमा पुनः कोरोनाको सङ्क्रमण भएको पाइएको छ । यो पुनः सङ्क्रमण भएको नभइ पुरानै भाइरस फेरि बल्झिएको उनी बताउँछन् ।

कतिपय भाइरस शरीरमा तीन महिनाभन्दा लामो समय रहन सक्छ तर कोरोनाको पुनः सङ्क्रमण निकै चाँडो भएकोमा डाक्टरहरुले चिन्ता व्यक्त गरेका छन् ।

दादुराको खोप एक पटक दिएपछि जीवनभरि प्रतिरोधात्मक क्षमता बनाइराख्छ तर कोरोनाको बिरामीमा चाँडै पुनः सङ्क्रमण भएकोले खोपले कसरी काम गर्छ भन्ने चिन्ता थपिएको डाक्टरहरुले बताएको बीबीसीले जनाएको छ ।

कोरोना भाइरसको व्यवहारको बारेमा धेरै कुरा बुझ्न बाँकी छ तर पुनः सङ्क्रमण चाँडो देखिनु निकै अनौठो भएको अनुसन्धानकर्ता इसिडोरो मार्टिनेजले बताएको बीबीसीले जनाएको छ । यदि लामो समयसम्म प्रतिरोधात्मक क्षमता नरहने हो भने एक दुई वर्षपछि यसले अर्को महामारी ल्याउन सक्ने मार्टिनेजको भनाइ छ ।

प्यान अमेरिकन हेल्थ अर्गनाइजेशनले भने कोरोनाका बारेमा हरेक दिन नयाँ तथ्य थाहा पाइराखेको भन्दै पुनः सङ्क्रमण र रोकथामका बारेमा पनि विज्ञानले थाहा पाउने बताएको छ ।

अहिलेकै लागि भने एक पटक निको भइसकेका कोरोना सङ्क्रमितहरु फेरि सङ्क्रमणको जोखिममा छौँ भन्ने बुझेर स्वास्थ्यको ख्याल गर्न डाक्टरहरुको सुझाव छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

krishna khadka
March 31, 2020, 7:32 a.m.
निकाे भएका बिरामी थप केही दिन क्वारेन्टाईनमा राखेर उसकाे राेग प्रति राेधात्मक शक्ति पुर्ण गराएर मात्र डिस्चार्ज गर्दा कसाे हाेला ?
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

‘कोरोना भाइरसको पुनः सङ्क्रमण चिन्ताको विषय’

1 Comments

krishna khadka

तपाईको प्रतिक्रिया

तपाईको प्रतिक्रिया