भारतमा ‘लकडाउन’ : दिल्लीबाट मध्य प्रदेशको मुरैना पुग्न पैदल हिँडेका युवकको बीच बाटोमै ज्यान गयो

चैत १६, २०७६ आइतबार १४:११:२३ | एजेन्सी

काठमाण्डौ – भारतमा ‘लकडाउन’ पछि ३९ वर्षीय रणवीर सिंह दिल्लीबाट मध्य प्रदेशको मुरैना आफ्ना घर जानका लागि पैदल निक्लिए । तर घर पुग्नुअघि बाटोमै उनको ज्यान गयो ।

टाइम्स अफ् इण्डियाका अनुसार दिल्लीको एक निजी रेस्टुरेन्टमा होम डेलिभरी म्यानको रुपमा काम गर्ने रणवीरको दुई सय किलोमिटर हिँडेपछि आगरामा ज्यान गएको हो ।

तीन बच्चाका बुवा रणवीर दिल्लीदेखि नै पैदल मध्य प्रदेश गइरहेका थिए । प्रहरीका अनुसार रणवीर पैदल जाँदै गर्दा नेशनल हाइवे–२ को कैलाश मोडमा बेहोस भएर लडेका थिए ।

सिकन्दरा पुलिस स्टेशनका हाउस अफिसर अरविन्द कुमारले भने, ‘रणवीर सडकमा बेहोस भएर लडेपछि स्थानीय एक व्यापारीले उनलाई उठाएर खाटमा सुताएर उनको लागि चिया र बिस्कुट लिएर आएका थिए । तर रणवीरले छातीमा पीडा भएको बताए र आफ्नो सालोलाई फोन गरेर आफ्नो अवस्थाको बारेमा बताए साँझ साढे ६ बजेतिर उनको ज्यान गयो ।’

प्रहरी अधिकारीका अनुसार पोस्टमार्टमा रिपोर्टमा हृदयघातका कारण उनको ज्यान गएको बताइएको छ ।

२१ दिनको देशव्यापी लकडाउनका क्रममा ठूलो सङ्ख्यामा प्रवासी मजदुरहरु पैदलै आफ्नो घर गइरहेका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भारतमा ‘लकडाउन’ : दिल्लीबाट मध्य प्रदेशको मुरैना पुग्न पैदल हिँडेका युवकको बीच बाटोमै ज्यान गयो

प्रतिकात्मक तस्बिर

तपाईको प्रतिक्रिया