'लकडाउन' उल्लंघन गरे कर्फ्यु लगाउने मुख्यमन्त्री राईको चेतावनी

चैत १७, २०७६ सोमबार २१:१६:४३ | उज्यालो सहकर्मी

मोरङ - प्रदेश १ का मुख्यमन्त्री शेरधन राईले नागरिकले ‘लकडाउन’को उल्लंघन गरे कर्फ्यु लगाउने चेतावनी दिनुभएको छ ।

मुख्यमन्त्री राईले ‘लकडाउन’ जनताको स्वाथ्य र सुरक्षाको लागि लगाइएको भन्ने कुरा बुझ्न जरुरी रहेकोले ‘लकडाउन’को पालना गर्न आग्रह गर्नुभयो ।अहिलेको असहज परिस्थितिमा सञ्चारकर्मीहरुको भुमिका महत्वपूर्ण हुने भएकोले कोरोना विरुद्धको अभियानलाई सहयोग गर्न आग्रह गर्नुभयो ।

सूचना प्रवाह प्रक्रिया प्रभावकारी हुन नसकेको विषयमा मनन गर्दै प्रदेश सरकारले प्रभावकारी सूचना प्रवाहका लागि नेपाल पत्रकार महासंघसँग समन्वय सूचना डेस्क संचालनमा ल्याइने बताउनुभयो ।

हालसम्म प्रदेशमा कोरोना भाइरसको संक्रमण नभेटिएको र अब पनि फैलिन नदिन प्रदेश सरकारले अत्यन्तै सजगताका साथ काम गरिरहेको मुख्यमन्त्री राईले बताउनुभयो ।

प्रदेशमा प्रमुख सचिवको नेतृत्वमा र जिल्लामा प्रमुख जिल्ला अधिकारीको संयोजकत्वमा समितिहरु बनाई कोरोना भाइरसका विरुद्धमा आवश्यक कामहरु युद्धस्तरमा भैरहेको मुख्यमन्त्री राईले जानकारी दिनुभयो ।

प्रदेश सरकारले वर्तमान संकटसँग लड्न १० करोड रुपैयाँ निकासा गरिएकोले बिभिन्न क्वारेन्टाइनमा बसेकाहरलाई खाना खुवाउन १ करोड ६० लाख रुपैयाँ निकासा गरिएको राईले बताउनुभयो ।

‘कालोबजारी तथा कृत्रिम अभाव हुन नदिन प्रदेश सरकारले काम गरिरहेको छ’, मुख्यमन्त्री राईले भन्नुभयो, ‘यदि कसैले कालोबजारी गर्छ भने त्यस्तो व्यक्ति अपराधी हुन् ।’

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्