विश्वका दुई सय देशमा कोरोना सङ्क्रमण फैलियो, इटालीमा मात्रै साढे ११ हजारभन्दा धेरैको ज्यान गयो

चैत १८, २०७६ मंगलबार ६:३३:४६ | एजेन्सी

काठमाण्डौ - कोरोना भाइरस ९कोभिड १९० का कारण युरोपमा विभिन्न देश निकै प्रभावित भएका छन् । गएको २४ घण्टामा स्पेनमा सबैभन्दा धेरै ९ सय १३ जना, इटलीमा आठ सय १२ जना र फ्रान्समा चार सय १८ जनाको ज्यान गएको छ ।

योसँगै इटलीमा मात्रै कोरोना भाइरसको सङ्क्रमणका कारण ज्यान गुमाउनेको सङ्ख्या ११ हजार पाँच सय ९१ पुगेको छ । यस्तै स्पेनमा सात हजार सात सय १६ जना, फ्रान्समा तीन हजार २४ जनाको ज्यान गएको छ ।

अहिलेसम्म विश्वका दुई सय देश र दुई वटा अन्तर्राष्ट्रिय पानी जहाजमा फैलिएको कोरोनाका कारण अहिलेसम्म सात लाख ८३ हजार दुई सय ७७ जनामा सङ्क्रमण पुष्टि भएकामा एक लाख ६४ हजार सात सय ५३ जना उपचारपछि निको भएका छन् । ३७ हजार सात सय ४४ जनाको ज्यान गएको छ ।

युरोपपछि अमेरिकामा पनि कोरोना फैलिने क्रम तीव्र गतिमा बढिरहेको छ । अमेरिकामा थप पाँच सय ४४ जनाको ज्यान गएसँगै ज्यान गुमाउनेको सङ्ख्या तीन हजार एक सय २७ जनाको ज्यान गएको छ ।

यस्तै अमेरिकामा सबैभन्दा धेरै सङ्क्रमित छन् । गएको २४ घण्टामा १९ हजारभन्दा धेरै नयाँ सङ्क्रमित थपिएपछि अमेरिकामा मात्रै सङ्क्रमितको सङ्ख्या एक लाख ६२ हजार सात सय ६१ जना पुगेको छ ।

अमेरिकापछि इटलीमा एक लाख एक हजार ३९ सात सय ३९ जनामा कोरोना सङ्क्रमण पुष्टि भएको छ ।

यसैबीच बोस्टवानामा पनि तीन जनामा कोरोना सङ्क्रमण पुष्टि भएपछि विश्वका दुई सय देशमा र दुई वटा पानी जहाजमा कोरोना फैलिएको पाइएको छ ।

कोरोना भाइरसका कारण सिरियामा पनि पहिलो व्यक्तिको ज्यान गएको छ । एक जना महिलाको कोरोना सङ्क्रमणका कारण ज्यान गएको भनिए पनि उनीबारे अरु विवरण खुलाइएको छैन । अरु नौ जनामा कोरोना पुष्टि भएपछि अस्पताल भर्ना गरिएको बीबीसीले जनाएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्