उमेरसँगै कोरोना भाइरसको जोखिम बढ्दै जाने अध्ययनको निष्कर्ष

चैत १८, २०७६ मंगलबार १२:५३:२७ | एजेन्सी

काठमाण्डौ – उमेरसँगै कोरोना भाइरस (कोभिड १९) सङ्क्रमणको जोखिम बढ्दै जाने अध्ययनले देखाएको छ । ल्यान्सेट इन्फेक्सिअस डिजिजेजमा प्रकाशित अध्ययन प्रतिवेदनले बालबालिका वा वयस्कभन्दा पाको उमेरका वा अधवैँशेमा कोरोना भाइरसको जोखिम बढी देखिएको हो ।

चीनमा भएको विस्तृत अध्ययन अनुसार कुल सङ्क्रमितमध्ये औसत मृत्युदर १ दशमलव ३८ प्रतिशत मात्रै छ । तर उमेरसँगै मृत्युदर धेरै भएको देखिएको छ । १० वर्षभन्दा कम उमेरका व्यक्तिमा मृत्युदर शून्य दशमलव ००१६ प्रतिशत रहेको छ । तर ८० वा त्योभन्दा बढी उमेरका व्यक्तिमा मृत्युदर ७ दशमलव ८ प्रतिशत देखिएको अध्ययनमा उल्लेख छ ।

अध्ययन अनुसार १० देखि १९ वर्षका व्यक्तिमा कोरोना भाइरसको सङ्क्रमण भएमा शून्य दशमलव ०१ प्रतिशतलाई मात्रै अस्पताल भर्ना गर्नुपर्ने देखिएको छ । तर ८० वा त्योभन्दा माथिको उमेरका व्यक्तिमा संक्रमण भएमा १८ प्रतिशतभन्दा बढीलाई अस्पताल भर्ना गरेर स्वास्थ्य सेवा प्रदान गर्नुपर्ने अध्ययनले जनाएको छ । यस्तै अधवैँशेमा पनि कोरोना भाइरसको सङ्क्रमणले गम्भीर अवस्था सिर्जना गर्ने देखिएको छ ।

४० वर्ष वा त्योभन्दा माथिको उमेरका व्यक्ति सङ्क्रमित भएमा उनीहरुमध्ये ४ प्रतिशतलाई अस्पताल भर्ना गर्नुपर्ने देखिएको छ । यो दर ५० वा त्योभन्दा माथिको उमेरका व्यक्तिमा ८ प्रतिशत रहेको पनि अध्ययन प्रतिवेदनमा उल्लेख छ ।

अध्ययनमा संलग्न प्राध्यापक अज्रा घानीले आफूहरुको अध्ययनबाट आएको प्रतिवेदनले सङ्क्रमण फैलिएका सबै देशको प्रतिनिधित्व गर्न सक्ने बताएका छन् । ५० वा त्योभन्दा माथिको उमेरका व्यक्तिमा कोरोना भाइरसको प्रभाव ५० भन्दा कम उमेरका व्यक्तिमा भन्दा बढी देखिने गरेको स्पष्ट भएको उहाँले बताउनुभयो ।

यो अध्ययनले अब सङ्क्रमण फैलिएका देशमा परीक्षणको पहिलो प्राथमिकतामा जोखिममा रहेका उमेर समूहका व्यक्तिलाई राखिनुपर्नेमा जोड दिएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्