आयल निगमद्वारा घुम्ती सेवामार्फत एलपी ग्यास वितरण सुरु

 चैत १८, २०७६ मंगलबार १५:२२:३४ | उज्यालो सहकर्मी
unn.prixa.net

काठमाण्डौ – नेपाल आयल निगमले लकडाउनको समयमा खाना पकाउने एलपी ग्यास नपाएका सामान्य उपभोक्तालाई घुम्ती सेवामार्फत ग्यास वितरण सुरु गरेको छ । 

आजदेखि चक्रपथ भित्र र अस्पताल तथा आश्रम आसपासका ठाउँमा घुम्ती सेवामार्फत ग्यासको सिलिण्डर बिक्री गर्न थालेको निगमले जनाएको छ । निगमका प्रवक्ता विनितमणि उपाध्यायका अनुसार उपभोक्तालाई विभिन्न १२ वटा वर्गमा विभाजन गरी ग्यास वितरण थालिएको छ । 

अति आवश्यक पर्ने उपभोक्ताले तोकेको सम्पर्क नम्बरमा सम्पर्क गरेर ग्यास लिनसक्ने उहाँले बताउनुभयो । यस्तै, निःशुल्क खाजा खुवाउने ठाउँ वा व्यक्ति, सरकारले तोकेको क्वरेन्टीन तथा अत्यावश्यक काममा खटिएका मजदूर र कर्मचारीलाई घुम्ती सेवामार्फत ग्यास वितरण गरिने निगमले जनाएको छ । 

निगमले ग्यासको आवश्वश्यकता परेमा ४२६४६००, ४२६३४८५,  र ९८४७९५३१६३ मा सम्पर्क गर्न आग्रह पनि गरेको छ ।

अन्तिम अपडेट: चैत ११, २०८०

तपाईको प्रतिक्रिया