बङ्गलादेशमा पढिरहेका विद्यार्थी भन्छन् : नेपाल फर्केर सेवा गर्न चाहन्छौँ, राज्यले पहल गरोस्

चैत १९, २०७६ बुधबार ११:९:१२ | उज्यालो सहकर्मी

काठमाण्डौ - बङ्गलादेशमा एमबीबीएस पढिरहेका नेपाली विद्यार्थीले आफूहरुलाई छिटो नेपाल फर्काउन माग गरेका छन् ।

कोरोना भाइरसको सङ्कटको बेला आफूहरु नेपाल फर्किएर सेवा गर्न चाहेकोले सरकारले स्वदेश फर्काउन पहल गर्नुपर्ने उनीहरुको भनाइ छ ।

बङ्गलादेशमा अहिले झण्डै सात सय मेडिकल शिक्षा लिने विद्यार्थी छन् । क्वरेण्टीनमा बस्नुपर्ने लगायतका सरकारले तोकेका सबै मापदण्ड पूरा गर्न तयार रहेको तर आफूहरुलाई बङ्गलादेशबाट फर्काउन माग गरिएको नेप्लिज स्टुडेन्ड एसोसिएशन बङ्गलादेशका अध्यक्ष नविन यादवले उज्यालोलाई जानकारी दिनुभयो ।

सरकारले खटाएको जुनसुकै ठाउँमा गएर सेवा गर्न तयार रहेको पनि विद्यार्थीले बताए ।

यो बेलामा देश फर्केर सेवा गर्न आफूहरु उत्सुक रहेको पनि यादवको भनाइ छ ।

बङ्गलादेशमा असुरक्षित महसुस गरिरहेका छौँ

नेपाली विद्यार्थीहरुले आफूहरु बङ्गलादेशमा असुरक्षित रहेको गुनासो गरेका छन् । 'नेपाल सरकारले पहिलो चरणको लकडाउन सकिएपछि उद्धार गर्छ कि भन्ने आशामा रहेका नेपाली विद्यार्थी सरकारले उद्धार नगर्ने घोषणा गरेपछि दुखी भएका छन्', विद्यार्थी नविन यादवले गुनासो गर्नुभयो ।

१२ दिनदेखि कलेजकै क्वरेण्टीनमा रहेको र बङ्गलादेशमा कोरोनाबाट बच्न उच्च सतर्कता नअपाएकाले आफूहरु निकै चिन्तित रहेको विद्यार्थीले बताएका छन् ।

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्