रगतको अभाव हुन नदिन काठमाण्डौ उपत्यकामा घरदैलो रक्तदान अभियान

चैत १९, २०७६ बुधबार १२:२२:४८ | उज्यालो सहकर्मी

काठमाण्डौ - ब्लड डोनर्स एसोसिएसन नेपाल (ब्लोदान) ले रगतको अभाव हुन नदिन काठमाण्डौ उपत्यकामा घरदैलो रक्तदान अभियान गरिरहेको छ ।

विश्वव्यापी रूपमा फैलिरहेको कोरोना भाइरस (कोभिड १९) का कारण मानिस घरमै बस्न थालेपछि रगत अभाव नहोस् भनेर घरदैलो रक्तदान अभियान गरिरहेको ब्लोदानका अध्यक्ष सानुबाबु प्रजापतिले बताउनुभयो ।

गएको शुक्रबारदेखि सुरु गरिएको अभियानको क्रममा मङ्गलबारसम्ममा दुई सय ८९ पिन्ट रगत सङ्कलन गरिएको छ । सङ्कलन गरिएका रगत ब्लोदानले ब्लड बैंकमा पठाउनेछ ।

सरकारले नै अति आवश्यक बाहेकका शल्यक्रिया अहिले नगर्न निर्देशन दिए पनि नियमित डायलासिस, सुत्केरी र आकस्मिक शल्यक्रिया गर्नुपर्दा रगतको समस्या हुने गरेको हो ।

सामान्यतया अरु बेलामा तीन सय ५० देखि चार सय पिन्ट रगत माग हुने गरेकोमा अहिले भने माग घटेको छ ।

ब्लोदानले बुधबार पनि काठमाण्डौ उपत्यकाका विभिन्न ठाउँमा रगत सङ्कलन गर्ने जनाएको छ । विदेशबाट तीन हप्ताभन्दा अघि आएकाहरुलाई भने रक्तदान नगर्न पनि ब्लोदानले अनुरोध गरेको छ ।

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रगतको अभाव हुन नदिन काठमाण्डौ उपत्यकामा घरदैलो रक्तदान अभियान

प्रतिकात्मक तस्बिर

तपाईको प्रतिक्रिया