'लकडाउन’मा बालबालिकाको मानसिक स्वास्थ्यको ख्याल राख्न मनोविद्को सुझाव

चैत १९, २०७६ बुधबार १५:४८:३ | उज्यालो सहकर्मी

काठमाण्डौ - कोरोना संक्रमणको त्रासबीच सरकारले घोषणा गरेको ‘लकडाउन’को समयमा घरमै बसेका स्कुले बालबालिकालाई अभिभावक र परिवारका सदस्यले विशेष ख्याल राख विज्ञको आग्रह छ ।

कोरोना संक्रमणको जोखिममा सचेत भएजस्तै यो बेला बालबालिकाको मानसिक स्वास्थ्यमा पनि उत्तिकै ध्यान दिनुपर्ने मनोविद् गंगा पाठकले बताउनुभयो ।

बालबालिकालाई तनाव हुन नदिन र उनीहरुको मन, मस्तिष्कलाई अनावश्यक विचारमा बहकिन नदिन अभिभावक नै बढि जिम्मेवार हुनुपर्ने उहाँको भनाइ छ ।

आफ्ना बालबच्चासँगै बसेर पढाइलाई निरन्तरता दिन र बेला बेला मनोरञ्जन पनि गर्न उहाँको सुझाव छ । अरुबेला परिवारका सदस्य कमै भेटघाट हुने सहर बजारमा अहिले सबैजना एकैसाथ रहेकाले बालबालिकासँग बस्ने, रमाउने, खेल्ने अवसर रहेको मनोविज्ञ पाठकको भनाइ छ ।

एकातिर बालबालिकालाई मोबाइल दिने अनि अर्कोतिर आफैँ पनि मोबाइल लिएर नबस्न मनोविद् गंगा पाठकले अभिभावकसँग आग्रह गर्नुभयो । शिक्षाविद् विद्यानाथ कोइरालाले बालबालिका र अभिभावक सँगसँगै भएको यो बेलामा प्रविधिको प्रयोग, सञ्चारका साधनको उपयोग, जेष्ठ नागरिक र अभिभावकको अनुभव साट्ने र शिक्षकको भूमिकालाई पनि बढाउन सकिने बताउनुभयो ।

गाउँघरमा प्रविधिको सहज पहुँच नभए अरु विकल्प प्रयोग गर्न सकिने तर सहर बजारमा इन्टरनेटबाट नै सिकाइलाई निरन्तरता दिन सकिने उहाँको भनाइ छ ।

रमा रहेका जेष्ठ सदस्य हजुरबुबा, हजुरआमाका भोगाइ बाँड्न, कथाका माध्यमबाट सकारात्मक ज्ञान दिन अनि अभिभावकले दैनिक गर्ने काममा बालबालिकालाई सहभागी गराउन उहाँको सुझाव छ ।

कोरोना संक्रमणको जोखिमका कारण अरु गतिविधिसहित शैक्षिक गतिविधि पनि ठप्प भएकाकाले घरमै सिकाइका विभिन्न काम गर्न विज्ञको सुझाव छ ।

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्