'कोरोना सङ्क्रमित बागलुङकी युवतीका परिवारमा सङ्क्रमण देखिएन'

चैत १९, २०७६ बुधबार २०:२०:१३ | रासस

बागलुङ - कोरोना सङ्क्रमित बाग्लुङ नगरपालिका ४ कुँडुलेकी युवतीका परिवारका सदस्यको रिपोर्ट ‘नेगेटिभ’ आएको छ ।

धौलागिरि अञ्चल अस्पताल बाग्लुङले सङ्क्रमित युवती, उनका आफन्त र सङ्क्रमितसँगै आएका गरी ११ जनाको स्वाब नमुना परीक्षणका लागि सोमबार काठमाण्डौ पठाएको थियो ।

परीक्षणका लागि पठाइएकामध्ये युवतीका पिता, हजुरबुबा, दाइ र दिदी गरी चार जनाको रिपोर्ट नेगेटिभ आएको अञ्चल अस्पताल बागलुङका निमित्त मेडिकल सुपरिटेन्डण्ट डा शैलेन्द्र बी पोख्रेलले जानकारी दिनुभयो । पोख्रेलका अनुसार अन्य रिपोर्ट क्रमशः आउने छ ।

सङ्क्रमित युवतीको स्वास्थ्य अवस्था सामान्य रहेको र परिवारका सदस्यको रिपोर्ट 'नेगेटिभ' आउन थालेका कारण त्यहाँका अन्यमा कोरोना सङ्क्रमित नहुन सक्ने आशा जागेको डा.पोख्रेलले जानकारी दिनुभयो ।

ती युवती यही चैत ५ गते बेल्जियमबाट दोहा कतार ट्रान्जिट हुँदै कतार एअरवेजको क्यूआर ६५२ उडानबाट नेपाल आएकी थिइन् । कतार एयरवेजको विमानमा सवार काठमाण्डौकी युवतीलाई कोरोना सङ्क्रमण पुष्टि भएपछि विमानमा सवार बागलुङकी ती युवतीलाई पनि सामान्य ज्वरो समेत देखिएको थियो ।

गएको चैत १२ गते स्वाब परीक्षणका लागि नमुना सङ्कलन गर्दा कोरोना पुष्टि भएको थियो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्