कोरोना भाइरस : १२ लाखभन्दा धेरै सङ्क्रमित

चैत २३, २०७६ आइतबार ९:१८:४५ | एजेन्सी

काठमाण्डौ - विश्वभर कोरोना भाइरस (कोभिड १९) बाट १२ लाखभन्दा धेरै सङ्क्रमित भएका छन् ।

अहिलेसम्म दुई सय ६ देश र दुई अन्तर्राष्ट्रिय पानी जहाजमा फैलिएको कोरोना सङ्क्रमणका कारण १२ लाख एक हजार ९ सय ६४ जनामा सङ्क्रमण पुष्टि भएको छ । जसमध्ये दुई लाख ४६ हजार एक सय ७४ जना उपचारपछि निको भएका छन् । आठ लाख ९० हजार पाँच सय ९४ जनाको उपचार भइरहेको छ । भाइरसको सङ्क्रमणबाट ज्यान गुमाउनेको सङ्ख्या ६४ हजार सात सय २७ पुगेको छ ।

गएको २४ घण्टामा अमेरिका र फ्रान्समा दुई हजारभन्दा धेरैको ज्यान गएको छ । फ्रान्समा एक हजार ५३ जनाको ज्यान गएसँगै ज्यान गुमाउनेको सङ्ख्या साढे सात हजार नाघेको छ । यस्तै अमेरिकामा एक हजार ४८ जनाको ज्यान गएसँगै आठ हजारभन्दा धेरैको ज्यान गएको छ ।

अहिलेसम्म सबैभन्दा धेरै इटलीमा १५ हजारभन्दा धेरै र स्पेनमा झण्डै १२ हजारको ज्यान गइसकेको छ ।

यस्तै अमेरिकामा सङ्क्रमितको सङ्ख्या तीन लाख नाघेको छ भने स्पेनमा एक लाख २६ हजारभन्दा धेरैमा कोरोना सङ्क्रमण पुष्टि भएको छ ।

गएको २४ घण्टामा विभिन्न देशमा पाँच हजार पाँच सय एक जनाको ज्यान गएको छ भने ८४ हजार सात सय ८२ जनामा सङ्क्रमण पुष्टि भएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्