स्वास्थ्यसम्बन्धी जानकारीको लागि  नेपाल फाइट्स कोरोना डटकम सुरु

 चैत २४, २०७६ सोमबार १५:२:५४ | उज्यालो सहकर्मी
unn.prixa.net

काठमाण्डौ - स्वास्थ्यसम्बन्धी जानकारी दिन नेपाल फाइट्स कोरोना डटकम वेबसाइट सुरु भएको छ ।

टीडीओ नेपालले कोरोना भाइरसका लक्षण, यसबाट बच्ने उपाय, लक्षण देखिएमा सम्पर्क गर्ने स्थान र व्यक्तिकोसमेत जानकारी दिनेगरी www.nepalfightscorona.com/  सुरु गरेको हो ।

लकडाउनको समयमा नागरिकलाई घरबाहिर निस्कन अफ्ठेरो परिरहेको अवस्थामा वेबसाइटमार्फत जानकारी दिन यस्तो सेवा सुरु गरिएको टीडीओ नेपालले जनाएको छ । वेबसाइटमा च्याट गर्न मिल्ने सुविधा रहेकाले र यसले लक्षणको बारेमा जानकारी दिने र कोरोना हो या होइन भनेर जान्न थप सहज हुनेछ ।

प्रयोगकर्ताले डाक्टरसँग प्रश्नोत्तर पनि गर्न पाउनेछन् । टीडीओ नेपालले ३ हजार बिरामीको गुनासो सम्बोधन गरेको पनि दावी गरेको छ । 

सेवा कसरी प्रयोग गर्ने ?

-  www.nepalfightscorona.com/ खोल्नुहोस्

 - लक्षण जाँचकर्ता रोज्नुहोस र प्रश्नहरुको जवाफ दिनुहोस ताकि तपाईंले कोभिड-१९ परीक्षणको लागि अस्पताल जानुपर्छ कि पर्दैन भनेर थाहा पाउन सक्नुहुन्छ । च्याटबोट आधारित प्रश्न र उत्तर उपकरण जुन डब्लूएचओ र स्वास्थ्य मन्त्रालयहरुले प्रकाशन गरेको निर्देशिकाहरु अनुरुप निर्माण गरिएको छ । 

- निशुल्क परामर्शको लागि–च्याट विजेटमा क्लिक गर्नुहोस् र टिडीओ डाक्टरहरु बाट टेलिफोन परामर्शको लागि अपोइन्टमेन्ट पाउनुहोस् ।

 -अन्य सेवाहरुमा कोभिड-१९ बारे बारम्बार सोधिने प्रश्नहरु, परीण केन्द्रहरुको  सूची र हेल्पलाइन नम्बरहरु छन् ।

अन्तिम अपडेट: चैत ९, २०८०

तपाईको प्रतिक्रिया