महाप्रसाद अधिकारी : राष्ट्र बैंकमा ३० वर्षे जागिरपछि गभर्नरको पद

चैत २४, २०७६ सोमबार १८:२:२२ | उज्यालो सहकर्मी

काठमाण्डौ - सरकारले सोमबार महाप्रसाद अधिकारीलाई नेपाल राष्ट्रबैंकको गभर्नरमा नियुक्त ग¥यो ।

राष्ट्र बैंकका हालका बरिष्ठ डेपुटी गभर्नर चिन्तामणी शिवाकोटी र पूर्व अर्थसचिव राजन खनाललाई पछि पार्दै अधिकारी नोटमा हस्ताक्षर गर्ने पदमा पुग्नुभयो । रमाइलो कुरा त महाप्रसाद अधिकारीलाई गभर्नर बनाउन अर्थमन्त्री युवराज खतिवडाले प्रधानमन्त्री केपी शर्मा ओलीलाई पनि कन्भिन्स गराउन सक्नुभयो ।

किनकि ओलीको सुरुको चाहना वरिष्ठ डेपुटी गभर्नर चिन्तामणी शिवाकोटीलाई नै गभर्नर बनाउने थियो । सरकारको यो निर्णयसँगै महाप्रसाद अधिकारीले पाँच वर्षअघि फुत्केको पदमा शानदार ‘कमब्याक’ गर्न सफल हुनुभएको छ ।

‘मन्त्रीपरिषद्को बैठकमा पनि हाँसो भयो, खतिवडा जी ले प्रधानमन्त्रीलाई कन्भिन्स गराउन सक्नुभएछ भन्ने प्रष्टै देखिन्थ्यो’, एक मन्त्रीले उज्यालो अनलाइसँग भने ।

नेपाल राष्ट्र बैंक अधिकारीको लागि नौलो थलो होइन, किनकि उहाँले ३० वर्ष राष्ट्र बैंकमै बिताउनुभएको छ । महाप्रसाद अधिकारी कार्यकारी निर्देशक हुँदै डेपुटी गभर्नरसम्म पुग्नुभएको थियो । पाँच वर्ष अघि पनि गभर्नरको लागि उहाँशर्टलिस्टमा पर्नुभएको थियो । तर चिरिञ्जिवी नेपालले उहाँलाई पछि पार्नुभयो ।

२०७२ सालको पुसमा नेपाल राष्ट्र बैंकबाट अवकास पाउनुभएका अधिरकारी २०७३ सालको असारमा लगानी बोर्ड नेपालको प्रमुख कार्यकारी अधिकृत सिइओमा नियुक्त हुनुभयो । लगानी बोर्डमा रहँदा अधिकारीले २ पटक भव्यताका साथ नेपाल लगानी सम्मेलन गराउनुभयो, वैदेशिक लगानी भित्राउन केहि काम गरेपनि मनग्य लगानी भने भित्रन सकेको छैन् ।

नेपाल राष्ट्रबैंकका पूर्व गभर्नर र अहिलेका अर्थमन्त्री युवराज खतिवडाका विश्वासपात्र र खतिवडाको सफलताका मुख्य पात्रका रुपमा अधिकारी चिनिनुहुन्छ । ३० वर्ष राष्ट्रबैंकमा रहँदा अधिकारीले संस्थागत सुशासनलाई धेरै महत्व दिनुभएको थियो भने बैंक तथा वित्तिय संस्थाको सुपरिवेक्षणको लागि कडा नियमहरु बनाउन पनि अधिकारीकै हात थियो ।

भारतमा चाटर्ड एकाउन्टेन्सी सीए गरेका अधिकारीले त्रिभुवन विश्वविद्यालयबाटबिजनेश एडमिन्ट्रेसनमा स्नातकसम्मको अध्ययन गर्नुभएको छ ।

२६ वर्ष नेपाल राष्ट्र बैंकमा बिताएका अधिकारीलाई सफल गभर्नर बन्ने मौका छ । तर कोरोनाको महामारीले विश्व अर्थतन्त्रसँगै नेपालको अर्थतन्त्र पनि कमजोर हुने पूर्व संकेत देखिएको बेलामा गभर्नरमा नियुक्त हुनुभएका अधिकारीलाई अवसरसँगै चुनौती पनि मनग्य देखिन्छन् ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

dhurba raj khanal
April 6, 2020, 8:17 p.m.
राम्राे काम गर्दै जानू हाेला शुभकामना छ
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

महाप्रसाद अधिकारी : राष्ट्र बैंकमा ३० वर्षे जागिरपछि गभर्नरको पद

1 Comments

dhurba raj khanal

तपाईको प्रतिक्रिया

तपाईको प्रतिक्रिया