आयरल्यान्ड–उल्भ्ससँगकाे खेलमा नेपाल 'ए' टस जितेर बलिङ गर्दै
चैत १६, २०८० शुक्रबार
सुर्खेत - वीरेन्द्रनगर नगरपालिकाले दुई करोडको कोरोना भाइरस सङ्क्रमण रोकथाम, नियन्त्रण र उपचार कोष स्थापना गरेको छ ।
नगरपालिकाको सोमबार बसेको कार्यपालिकाको बैठकले विकास योजनाको रकम रकामान्तर गरेर कोष स्थापना गरेको हो । साथै संघसंस्था र व्यक्तिहरुलाई पनि नगरपालिकाले कोषमा सहयोग गर्न आग्रह गरेको छ ।
यस्तै नगरपालिकाले नगरक्षेत्र भित्र अत्यावश्यक खाद्य वस्तु बाहेक तरकारी दूध जस्ता पदार्थहरु अन्य पालिकाबाट आयातमा रोक लगाएको छ । वडा कार्यालयले व्यवस्थापन गर्ने गरी क्रमशः वडाहरु र टोलहरु लकडाउन गर्न सकिने ब्यवस्था निर्णय पनि नगरपालिकाले गरेको छ।
यस्तै नगरपालिकाले कोरोना संक्रमण विरुद्धको ब्यवस्थापनमा खटिने कुनै कर्मचारीलाई कोरोना संक्रमण भए निशुल्क उपचार गर्ने र ज्यान गए परिवारलाई १० लाख रुपैयाँ राहत तथा क्षतिपुर्ति दिने निर्णय पनि गरेको छ । साथै नगरपालिकाले नगरक्षेत्र भित्र किटनाशक औषधि छर्ने काम पनि गरिरहेको जनाएको छ ।
यस्तै नगरपालिकाले लकडाउनमा समस्या परेका विपन्न परिवारलाई अहिलेसम्म ९३ लाख २५ हजारको खाद्यनन् वितरण गरिसकिएको नगरउपप्रमुख मोहनमाया ढकालले जानकारी दिनुभयो ।