बझाङमा लकडाउन उल्लङ्घन गर्दै मेला सञ्चालन गरेको आरोपमा जनप्रतिनिधि र पुजारीसहित ९ जना पक्राउ

चैत २६, २०७६ बुधबार २०:३५:३० | उज्यालो सहकर्मी

बझाङ - बझाङको प्रसिद्ध छबिसपाथिभेरा गाँउपालिकामा लाग्ने धार्मिक मेला बान्नीकी चैतली सञ्चालन गरेको आरोपमा त्यहाँँका जनप्रतिनिधि, पुजारी र मन्दिर संरक्षण समितिका पदाधिकारीहरु सहित ९ जना पक्राउ परेका छन् ।

कोरोना भाइरस कोभिड १९ को महामारी फैलिन नदिन लकडाउन भए पनि त्यहाँका स्थानीय बासिन्दाले लडकडाउन उल्लङ्घन गरेपछि पक्राउ गरेको जिल्ला प्रहरी कार्यालयका प्रहरी निरीक्षक नेत्रबहादुर बोहराले बताउनुभयो ।

पक्राउ पर्नेमा छबिसपाथिभेरा गाँउपालिका वडा नम्बर २ का वडाध्यक्ष विकास ऐडी, वडा नम्बर ३ का वडाध्यक्ष केशब राज जोशी, वडा नम्बर ४ का वडाध्यक्ष अम्मरराज थापा र वडा नम्बर ५ का वडाध्यक्ष तथा गाउँपालिकाका प्रवक्ता लोकेन्द्रबहादुर ठगुन्ना रहेका छन् ।

जनप्रतिनिधिसँगै बान्नी मष्टा मन्दिरका पुजारी निर्पप्रसाद जोशी र उनका दुईजना सहयोगी पण्डित डम्बरबहादुर धामी र पुजारी जयकृष्ण जोशी पनि पक्राउ परेका छन् ।

उनीहरुसँगै स्थानीय ईन्द्रबहादुर सिंह र मन्दिर संरक्षण समितिका सचिव राजेन्द्रबहादुर सिंहलाई पनि पक्राउ गरेको प्रहरीले जनाएको छ । सुदूरपश्चिमको प्रसिद्ध मेलामा बान्नीकी चैतलीमा हजारौं श्रद्धालु तथा दर्शनार्थीहरु भेला हुने गर्छन् ।

तर कोरोना भाइरसको जोखिम बढेकाले यासपालि धार्मिक तथा सामाजिक काम नगर्न र लकडाउनको पूर्ण पालना गर्न पटक पटक आग्रह गर्दै आएको छ ।

यो पनि पढ्नुहोस्

खाडी र मलेसियामा कोरोनाको पछिल्लो अवस्था : २९ नेपाली सङ्क्रमित, ५ जना निको भए

अन्तिम अपडेट: फागुन ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्