'लकडाउन'को माैका छोपेर दाङमा वन फडानी

चैत २७, २०७६ बिहीबार ९:३:३५ | हेमराज शर्मा

दाङ – लकडाउनको माैका छाेपेर दाङको दङ्गीशरण गाउँपालिकाको सिमठाना सामुदायिक वन क्षेत्रमा विभिन्न प्रजातिका ५५ वटा रुख काटिएका छन् । झण्डै एक हजार क्यु फीट सालको काटिएको काठ सहित दुई जना पक्राउ परेका छन् ।

सहायक वन अधिकृत खिमबहादुर केसीकाे नेतृत्वमा गएको डिभिजन वन कार्यालय दाङको नियमित गस्तीले सिमठाना सामुदायिक वन क्षेत्रमा अवैध रुपमा काटिएका ५५ थान रुख सहित घटनामा संलग्न भएको आशङ्कामा दुई जनालाई पक्राउ गरेको हाे । घटनास्थलको प्रकृति हेर्दा घटनामा जसको संलग्नता भए पनि वनको संरक्षण र सदुपयोगको जिम्मा पाएको समूहका कार्य समितिका पदाधिकारीरुको लापर्वाही देखिएको सहायक वन अधिकृत केसीले जानकारी दिनुभयो ।

कटान क्षेत्रमा रहेका काठ बरामद गरिए पनि लकडाउनका कारण ढुवानी गर्न असहज भएकोले सम्बन्धित समूहका जिम्मेवार पदाधिकारीहरुलाई जिम्मा लगाइएकाे दङ्गीशरण सब डिभिजन वन कार्यालयका सहायक वन अधिकृत दयाराम पौडेलले जानकारी दिनुभयो ।

लकडाउन अवधिभर 'टुर' गस्ती

लकडाउनको बेला हुन सक्ने सम्भावित चोरी/तस्करीलाई मध्यनजर गर्दै डिभिजन वन कार्यालय दाङले टुर गस्ती सञ्चालन गरिरहेको छ । गस्ती सञ्चालन गर्नुपर्ने जोखिमयुक्त ठाउँहरुको समेत पहिचान गरी गस्ती कार्य चलिरहेको डिभिजन वन अधिकृत दीपक ज्ञवालीले जानकारी दिनुभयो ।

लकडाउनको समयमा मानिसहरु घरभित्रै रहने भएकोले त्यसकाे फाइदा उठाएर चाेरी/तस्करी हुने ज्ञवालीले बताउनुभयाे । चाेरी/तस्करी हुन नदिन गस्ती परिचालनलाई अझ प्रभावकारी गराइएको प्रमुख ज्ञवालीको भनाइ छ ।

अन्तिम अपडेट: पुस १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हेमराज शर्मा

दाङमा बसेर पत्रकारिता गर्ने हेमराज शर्मा लामो समयदेखि उज्यालोमा कार्यरत हुनुहुन्छ ।

1 Comments

लोक ब बोहरा
April 9, 2020, 10:24 a.m.
सारा विश्व महामारि सङग लडिरहेको बेला ज्यानको बाजि लगायर जङगल फरानि गर्ने लाई कानुनि दायरामा ल्याउनुपर्छ यो राम्रो काम
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

'लकडाउन'को माैका छोपेर दाङमा वन फडानी

1 Comments

लोक ब बोहरा

तपाईको प्रतिक्रिया

तपाईको प्रतिक्रिया