काेभिड १९ : ज्यान गुमाउनेकाे सङ्ख्या इटलीपछि अमेरिकामा धेरै

चैत २७, २०७६ बिहीबार ११:३५:२६ | एजेन्सी

काठमाण्डाै – कोरोना भाइरस (काेभिड १९) का कारण इटलीपछि अमेरिकामा धेरै मानिसको ज्यान गएको छ ।

सङ्क्रमितका हिसाबले पहिलो नम्बरमा रहेको अमेरिकामा ज्यान गुमाउनेको सङ्ख्या पनि बढिरहेकाे छ । अमेरिकामा अहिलेसम्म १४ हजार सात सय ९५ जनाको ज्यान गएको छ ।

इटालीमा अहिलेसम्म सबैभन्दा धेरै साढे १७ हजारभन्दा धेरैको ज्यान गएको छ । त्यस्तै स्पेनमा १४ हजार सात ९२ जनाको ज्यान गएको छ ।

अमेरिकामा अहिलेसम्म सबैभन्दा धेरै चार लाख ३५ हजारभन्दा धेरैमा सङ्क्रमण पुष्टि भएको छ भने अमेरिकापछि स्पेनमा एक लाख ४८ हजारभन्दा धेरैमा कोरोना सङ्क्रमण भएको पाइएको छ ।

अहिलेसम्म विश्वका दुई सय ९ देश र दुई वटा पानी जहाजमा फैलिएको कोरोनाका कारण १५ लाख १८ हजारभन्दा धेरै सङ्क्रमित भएका छन् । जसमध्ये तीन लाख ३० हजार पाँच सय ८९ जना उपचारपछि निको भएका छन् । १० लाख ९९ हजारभन्दा धेरैको उपचार भइरहेकाे छ भने ८८ हजारभन्दा धेरैको ज्यान गएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्