काठमाण्डौ - भारतले लकडाउन अवधि दुई हप्ता थप्ने तयारी गरेको छ । प्रधानमन्त्री नरेन्द्र मोदीले शनिबार मुख्‍यमन्त्रीहरुसँगको झण्डै चार घण्टा बसेको बैठकमा लकडाउन बढाउने तयारी गरेको दिल्लीका मुख्‍यमन्त्री अरविन्द केजरीवालले ट्विटरमार्फत जानकारी दिएका छन् ।

— Arvind Kejriwal (@ArvindKejriwal) April 11, 2020

कोरोना भाइरसको सङ्क्रमण बढ्दै गएपछि भारतले  लकडाउनको अवधिमा थप्ने तयारी गरेको हो ।

दिल्लीका मुख्यमन्त्री केजरीवालका अनुसार आउने बिहीबारसम्म जारी रहने भनिएको लकडाउनको अवधि थप गर्न प्रधानमन्त्री मोदी सहमत छन् । तर प्रधानमन्त्री मोदीले यसबारे थप जानकारी दिएका छैनन् ।

कर्नाटकका मुख्यमन्त्री बीएस येदियुरप्पाले पनि प्रधानमन्त्रीसँगको कुराकानीपछि केन्द्र सरकारले १५ दिनसम्म लकडाउन बढाउने घोषणा गर्न सक्ने सञ्चारमाध्यमलाई बताए ।

पञ्जाब, ओडिशा, पश्चिम बङ्गाल र महाराष्ट्रमा भने आउँदो ३० अप्रिलसम्म लकडाउन लम्ब्याइएको घोषणा गरिएको छ ।