काठमाण्डौ - प्रधानमन्त्री केपी शर्मा ओलीले 'लकडाउन'को समयमा रोजगारी गुमाउने तथा विपन्न व्यक्तिलाई पालिकामार्फत राहत उपलब्ध गराउने घोषणा गर्नुभएको छ । 

उहाँले रोजगारी गुमाएर बिहान साँझको छाक टार्न कठिन भएका, अपाङ्गताका कारण औषधिलगायत अन्य सुविधाको पहुँचबाट टाढा रहेकाहरुलाई सहयोग गर्ने बताउनु भएको हो ।  

यो पनि पढ्नुहोस्

खाडी र मलेसियामा साेमबारकाे कोरोना अपडेट : सङ्क्रमितकाे सङ्ख्या १९ हजार नाघ्याे, ४९ नेपालीमा सङ्क्रमण

---

ओलीले विश्व व्यापार नराम्रो गरी खुम्चिने, करोडौंले रोजगारी गुमाउने र लगानीका स्रोतहरु सुक्ने निश्चितजस्तै भएको बताउनु भएको छ । कोरोनापछिको क्षतिको आकलनका लागि सरकारले आफू सम्वद्व विभिन्न निकायहरुलाई परिचालित गरिसकेको उहाँले जानकारी दिनुभयो । 

आउँदो हप्ता दिनसम्ममा महामारीको वेगको पूर्वानुमान हुनसक्ने भएकाले समग्र मूल्याङ्कनपछि मात्रै निष्कर्षमा पुग्ने अवस्था रहेको उहाँको भनाइ छ । कोरोनाका कारण विकास निर्माणमा काममा अवरोध पुगेको भन्दै प्रधानमन्त्री ओलीले प्राथमिकताका क्षेत्रलाई पुनःव्यवस्थित गर्नुपर्ने अवस्थामा आइपुगेको बताउनुभयो । 

प्रधानमन्त्री ओलीले आधारभूत सुविधा र उपचार सेवाबाट वञ्चित हुन नपरोस् भनेर सम्बन्धित देशका राष्ट्राध्यक्ष, सरकार प्रमुख र विदेशमन्त्रीहरुसँग निरन्तर संवाद गरिरहेको पनि बताउनुभयो ।