कोरोना भाइरस : सात लाखभन्दा धेरै उपचारपछि निकाे भए

वैशाख ११, २०७७ बिहीबार ६:४६:४३ | एजेन्सी

काठमाण्डाै – विश्वव्यापी रुपमा फैलिएकाे काेराेना भाइरस (काेभिड १९) बाट सङ्क्रमित भएकामध्ये सात लाखभन्दा धेरै निको भएका छन् ।

दुई सय १० देश र दुई वटा अन्तर्राष्ट्रिय पानी जहाजमा भाइरस फैलिँदा सङ्क्रमितको सङ्ख्या २६ लाख ३३ हजार नाघेकाे छ । जसमध्ये सात लाख १७ हजार दुई सय ८४ जना उपचारपछि निको भएका छन् ।

१७ लाख ३१ हजारभन्दा धेरैको उपचार भइरहेको छ । उपचार गराइरहेकामध्ये ५६ हजार ६ सय ८० जना अर्थात् ३ प्रतिशतको अवस्था जटिल रहेको र बाँकीको अवस्था सामान्य रहेको वल्डाेमिटरले जनाएको छ । सङ्क्रमणबाट अहिलेसम्म एक लाख ८३ हजारभन्दा धेरैको ज्यान गएको छ ।

सबैभन्दा धेरै संयुक्त राज्य अमेरिकामा साढे ४७ हजारभन्दा धेरैको ज्यान गएको छ । अमेरिकामा आठ लाख ४६ हजारभन्दा धेरैमा सङ्क्रमण पुष्टि भएको छ । गएको २४ घण्टामा अमेरिकामा २३ सयभन्दा धेरैको ज्यान गएको छ ।

यस्तै इटलीमा २५ हजारभन्दा धेरै, स्पेनमा साढे २१ हजारभन्दा धेरै, फ्रान्समा २१ हजारभन्दा धेरै र बेलायतमा १८ हजारभन्दा धेरैको ज्यान गएको छ ।

भारतमा कोरोना सङ्क्रमितको सङ्ख्या २१ हजार नाघेकोे छ । सङ्क्रमणबाट ६ सय ८१ जनाको ज्यान गएको र चार हजार तीन सय ७० जना निको भएका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्