स्पेनमा 'लकडाउन' : बालबालिकालाई केही बेर घरबाहिर निस्कन दिइने

वैशाख १४, २०७७ आइतबार ८:५९:३० | एजेन्सी

काठमाण्डाै – स्पेनमा लकडाउन चलिरहे पनि बालबालिकालाई केही समय घरबाहिर निस्कन दिइने भएको छ । १४ वर्षमुनिका ६३ लाख बालबालिकालाई केही समय बाहिर निस्कन दिने गरी लकडाउन खुकुलो पारेको त्यहाँको सरकारले जनाएको हो ।

हरेक दिन बालबालिकालाई बिहान ९ देखि राति ९ बजेको बीचमा एक घण्टा घरबाहिर निस्कन अनुमति दिइने भएको बीबीसीले जनाएको छ । तर उनीहरु एक किलोमिटरभन्दा पर जान भने पाउने छैनन् । साइकल, स्केट तथा स्केटबोर्ड चलाउन अनुमति दिइएको छ । तर सर्वाजनिक पार्क भने बन्द नै रहने छन् ।

मनोविमर्शकर्ताले बालबालिकाका लागि दिइएको केही समयको छुट पनि उनीहरुको मानसिक स्वास्थ्यका लागि अति महत्वपूर्ण हुने भन्दै निर्णयको स्वागत गरेका छन् । लामो समय घरमै सीमित हुँदा विशेष गरी बालकालिकामा मनोसामाजिक प्रभाव परेको भन्दै चिन्ता व्यक्त गरिएको छ ।

कोरोना भाइरसको महामारी तीव्र गतिमा फैलिन थालेपछि गएको मार्चको मध्यदेखि स्पेनमा लकडाउन चलिरहेको छ ।

स्पेन पनि काेराेना भाइरस (काेभिड १९) काे महामारीबाट प्रभावित भएकाे छ । स्पेनमा अहिलेसम्म दुई लाख २३ हजारभन्दा धेरैमा सङ्क्रमण पुष्टि भएकाेमा २२ हजार ९ सय जनाकाे ज्यान गइसकेकाे छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्