काेराेना भाइरस : 'अमेरिका चीनसँग खुसी छैन'

वैशाख १६, २०७७ मंगलबार ९:१०:३८ | एजेन्सी

काठमाण्डौ – ह्वाइट हाउसमा भएको पत्रकार सम्मेलनमा अमेरिकी राष्ट्रपति डोनाल्ड ट्रम्पले आफ्नो प्रशासनले कोरोना भाइरसबारे चीनको प्रतिक्रियालाई लिएर 'निकै गम्भीर जाँच' सुरु गरेको बताएका छन् ।

राष्ट्रपति ट्रम्पले भने, ‘हामी चीनसँग खुसी छैनौँ, हामी सबै परिस्थितिसँग खुसी छैनौँ किनकि चीनले चाहेको भए जहाँबाट भाइरस सुरु भएको हो त्यही रोक्न सक्थ्यो ।’ ट्रम्पको अनुसार कोरोना भाइरसको सङ्क्रमण तुरुन्त रोक्न सकिन्थ्यो र यो पूरै विश्वमा फैलिने थिएन ।

अमेरिकी राष्ट्रपति ट्रम्प लगातार कोरोना भाइरसको महामारीलाई लिएर चीनमाथि आरोप लगाउँदै आएका छन् । र कोरोनाको महामारी नियन्त्रण गर्न अमेरिकी सीमा चीनको लागि बन्द गरिएको बताउँदै आएका छन् ।

केही स्वास्थ्य विशेषज्ञहरुका अनुसार अमेरिकाका लागि तयारीको निकै समय थियो तर ट्रमप प्रशासनले त्यसलाई गुमायो ।

ट्रम्प भन्छन्, ‘यो सबैको पछाडि एउटा देश जिम्मेवार छ तर यसलाई कसैले पनि स्वीकार गर्दैनन् ।’

यहाँ कसैले पनि कसैलाई जिम्मेवार ठहराएको छैन, हामी ती मानिसहरुको समूहलाई देखिरहेका छौँ, जसले भाइरसको सङ्क्रमणलाई उद्गमस्थलमा नै रोक्न सक्थ्याे ।’

अमेरिकी राष्ट्रपति ट्रम्पले भने– ‘अमेरिका उनीहरुलाई कहिले पनि भुल्ने छैन जसले अयोग्ताको कारण बलिदान दिए वा अयोग्यताका साथै अरु कुनै कारणका लागि ।’

चीनतर्फ इसारा गर्दै ट्रम्पले भने, ‘उसले चाहेकाे भए हामीलाई मात्र नभइ पूरै विश्वलाई बचाउन सक्थ्यो ।’

पत्रकार सम्मेलनका क्रममा अमेरिकी राष्ट्रपति ट्रम्पसँग के नोभेम्बरमा हुने राष्ट्रपतीय चुनाव स्थगित गर्ने विचार गरिरहुन भएको छ ? भन्ने प्रश्नमा उनले भने– मैले चुनावको तारिख परिवर्तन गर्नेबारेमा कहिल्यै सोचेको छैन । ३ नोभेम्बर, यो राम्रो नम्बर हो ।’

ट्रम्पले यो एउटा प्रोपोगाण्डा मात्र भएको बताए ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्