प्रदेश-२ : कोरोना सङ्क्रमित भेटिएको क्षेत्र ‘सिल’

वैशाख १७, २०७७ बुधबार २०:४५:३४ | रासस

धनुषा - प्रदेश-२ मा बुधबार थप तीन जनामा कोरोना सङ्क्रमण पुष्टि भएपछि यस क्षेत्रमा उच्च सतर्कता बढाउँदै ‘सिल’ गरिएको छ ।

बाराको सिमरौनगढ नगरपालिका–४ घर भई जितपुर सिमरा–१९ को मस्जिदमा बस्दै आएका ३१ वर्षीय एक जना र वडा नं ७ मा बस्दै आएका अर्का एक युवक गरी ती दुई युवक बसेको क्षेत्रलाई सिल गरिएको हो ।

सामाजिक विकास मन्त्रालयका सचिव डा रामप्रसाद घिमिरेले आज पत्रकार सम्मेलनमार्फत यसबारे जानकारी गराउनुभएको हो । वैशाख १४ गते वीरगञ्जका दुई जनामा कोरोना पुष्टि भएपछि उनीहरुको ‘कन्ट्याक्ट ट्रेसिङ’को आधारमा तीनै जनाको खोजी गरी क्वरेन्टीनमा राखिएको थियो ।

मस्जिदमा बस्दै आएका ३१ वर्षीय युवक र वडा नं ७ का ४३ वर्षीय युवकलाई सिमराको अस्थायी विशेष क्वरेन्टीन अस्पतालमा राखिएको थियो । त्यसपछि, दुवैलाई वीरगञ्जको छपकैयामा ल्याएर स्वाब सङ्कलन गरिएको थियो । यी दुवै जना भारतको एक धार्मिक कार्यक्रममा सहभागी भएर फागुन २८ गते फर्केका थिए ।

३१ वर्षीय युवक मस्जिदमा र ४३ वर्षीय व्यक्ति आफ्नै घरमा बसेको सचिव डा घिमिरेले जानकारी गराउनुभयो । त्यस्तै, वैशाख १४ गते कोरोना पुष्टि भएका व्यक्तिको विवरणको आधारमा वीरगञ्ज-२ बस्ने ४६ वर्षीय व्यक्तिको स्वाबको नमुना सङ्कलन गरिएको थियो । तीनै जनालाई वीरगञ्जको नारायणी अस्पतालमा उपचार भइरहेको छ ।

यस प्रदेशमा अहिलेसम्म दुई हजार दुई सय १८ को स्वाबको नमुना सङ्कलन गरिएकामा एक हजार ३ सय ५० को रिपोर्ट नेगेटिभ आएको छ भने ८ सय ५६ को रिपोर्ट आउन बाँकी छ ।

यस प्रदेशमा १० जना कोरोना सङ्क्रमितमध्ये चार जना उपचार गरएर घर फर्किसकेका छन् भने छ जनाको उपचार भइरहेको छ ।
अहिलेसम्म चार हजार ९ सय १४ को आरडीटी परीक्षण गरिएको छ । यस प्रदेशमा एक हजार ४४३ क्वरेन्टीनमा चार हजार १७ जना होम क्वरेन्टीनमा र १३ जना आइसोलेशनमा छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्