घरमै बनाएकाे जाँडरक्सी खाँदा एकै वडाका पाँच जनाकाे ज्यान गयाे

वैशाख १८, २०७७ बिहीबार १२:२८:२१ | धनवीर महतो

महोत्तरी – महाेत्तरीको भङ्गहा नगरपालिकामा जाँडरक्सी खाँदा दुई दिनमा पाँच जनाको ज्यान गएको छ । बुधबार र बिहीबार भङ्गहा नगरपालिका ७ का एकै वडाका पाँच जनाको ज्यान गएको जिल्ला प्रहरी कार्यालय महोत्तरीले जनाएको छ ।

भङ्गहा नगरपालिका ७ नयाँटोल मझौलियाका ५५ वर्षीय लालबाबु सिंह, ४२ वर्षीया नथुनी महरा, मेघरौलका ४५ वर्षीय मोहन चौधरी, रौतहट घर भइ भङ्गहामा काठ मिस्त्रीको काम गर्दै आएका ४० वर्षीय महेन्द्र चौधरी र सिकिन्द्र सिंहको ज्यान गएको हो ।

जिल्ला प्रहरी कार्यालय महोत्तरीका प्रहरी उपरीक्षक श्यामकृष्ण अधिकारीले जाँडरक्सी खाएपछि पाँच जनाको ज्यान गएको बताउनुभयो । उनीहरुले घरमा नै जाँडरक्सी बनाउने र खाने गरेकाे पाइएको छ ।

लालबाबु सिंह र सिकिन्द्र सिंहको शव प्रहरीले नियन्त्रणमा लिएर पोस्टमार्टमकाे लागि जलेश्वर अस्पताल महोत्तरी पुर्‍याइएकाे छ । अरु तीन जनाको भने अन्तिम संस्कार गरिसकिएको छ ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्