विवाद भएपछि महोत्तरीको सोनमा गाँउपालिकामा राहत वितरणको काम स्थगित

वैशाख २६, २०७७ शुक्रबार १६:५०:४७ | धनवीर महतो

महोत्तरी - राहत वितरणको क्रममा विवाद भएपछि महोत्तरीको सोनमा गाँउपालिकामा तत्कालको लागि राहत वितरणको कार्य स्थगित गरिएको छ ।

सोनमा गाँउपालिका वडा नम्बर-५, खैरबन्नीमा राहत वितरण गर्ने क्रममा स्थानिय एक समूहले हुलहुज्जत गर्दै स्टोरमा ताला लगाएपछि विवादले उग्ररुप लिएको वडा नम्बर ५ को कार्यालयले जनाएको छ ।

आफूले प्रक्रिया पुर्याएर नै राहत वितरण गर्दै आएको दावी गर्नुहुँदै वडा नम्बर-५ का वडाध्यक्ष रामवीनय राय यादवले स्थानीय राजनीतिक दलको केही कार्यकर्ताहरुले राहतको विषयलाई मुद्दाको विषय बनाएको जानकारी दिनुभयो ।

बिहीबार दिउँसो राहतको विषयलाई लिएर खैरबन्नीमा समान्य विवाद भएको गाँउपालिकाका प्रवक्ता अशोक कुमार यादवले स्वीकार गर्नुभयो ।

युवाका एक समूहले राहत राख्ने भण्डारण कक्षमा तालाबन्दी गरेपछि विवाद समाधान गरेर मात्र राहत वितरण कार्यको निरन्तरता दिइने प्रवक्ता यादवले जानकारी दिनुभयो । लकडाउन भएको करिब डेढ महिनापछि सोनमा गाँउपालिकाले यस सातादेखि राहत वितरण गर्दै आएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

धनवीर महतो

धनवीर महतो महोत्तरीकाे उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्