काठमाण्डाै – रुसमा काेराेना भाइरसकाे सङ्क्रमण तीव्र गतिमा फैलिने क्रम राेकिएकाे छैन । पछिल्लाे २४ घण्टामा रुसमा १० हजार आठ सय १७ जनामा काेराेना सङ्क्रमण पुष्टि भएकाे छ । 

एकैदिन १० जना नयाँ बिरामी थपिएसँगै रुसमा काेराेना सङ्क्रमितकाे सङ्ख्या बढेर एक लाख ९८ हजार ६ सय ७६ भएकाे छ । 

रुसको काेराेना टास्क फाेर्सले गएकाे २४ घण्टामा एक सय चार जनाकाे ज्यान गएसँगै अहिलेसम्म ज्यान गुमाउनेकाे सङ्ख्या एक हजार आठ सय २७ पुगेकाे जनाएकाे छ । सङ्क्रमितमध्ये ३१ हजार नाै सय १३ जना उपचारपछि निकाे भएका छन् भने एक लाख ६४ हजार नाै सय ३३ जनाकाे उपचार भइरहेकाे छ । 

रुसमा गएकाे आइतबारदेखि प्रत्येक दिन १० हजारभन्दा धेरै सङ्क्रमित थपिइरहेका छन् । सङ्क्रमितकाे सङ्ख्याकाे हिसाबले रुस काेराेना प्रभावित देशकाे पाँचाैँ नम्बरमा परेकाे छ । गएकाे बिहीबार फ्रान्स र जर्मनीलाई पछि पार्दै रुस बेलायत नजिक पुगेकाे हाे । 

अमेरिकाकाे जाेन्स हप्किन्स विश्वविद्यालयका अनुसार विश्वका सबैभन्दा धेरै प्रभावित देशकाे अवस्था यस्ताे छ–

अमेरिका – १२ लाख
स्पेन – दुई लाख २३ हजार 
इटली – दुई लाख १७ हजार 
बेलायत – दुई लाख १२ हजार
रुस – एक लाख ९८ हजार
फ्रान्स – एक लाख ७६ हजार
जर्मनी – एक लाख ७० हजार