काठमाण्डाै – याे माथिकाे तस्बिरमा देखिएका जस्ता हजाराैँ, लाखाैँ काेराेनाविरुद्ध लड्ने याेद्धाहरु अग्रपंक्तिमा रहेर महामारीकाे सामना गरिरहेका छन् । यिनीहरुमा नर्सिङ स्टाफदेखि वार्ड ब्वाइ डाक्टरदेखि प्यारामेडिक्स र सहायकदेखि आईसीयूमा स्टाफसम्मकाे सहभागिता रहेकाे छ । 

बेलायतका प्रधानमन्त्री बाेरिस जाेनसनले लकडाउन प्रतिबन्धमा केही छुट दिए पनि सार्वजनिक ठाउँमा अझै पनि मास्क (मुखावरण) लगाउन जरुरी छ ।  

भारतमा रेल सेवालाई आंशिक रुपमा सुरु गरिएकाे छ । प्रवासी मजदुरहरुका लागि श्रमिक रेल चलाइएकाे छ र याेबाहेक १५ वटा विशेष रेल सेवा पनि सुरु गरिएकाे छ । याे तस्बिर नयाँ दिल्ली रेल स्टेशनबाहिर कुरिरहेकाे एक परिवारकाे हाे । 

पाकिस्तानमा प्रतिबन्ध केही खुकुलाे बनाइएपछि सयाैँ मानिस सडकमा निस्किएकाे देख्न सकिन्छ । याे तस्बिर लाहाेरकाे हाे, लकडाउन प्रतिबन्ध केही खुकुलाे बनाइएपछि सडकमा निस्किएका मानिसकाे भिडकाे दृश्य । 

याे अमेरिकी राज्य न्युयाेर्ककाे एक अस्थायी अस्पतालकाे बेडकाे तस्बिर हाे । विश्वका कैयाैँ ठाउँमा काेराेना बिरामीहरुले पूर्णरुपमा उपचार पाउन सकुन् भनेर अस्थायी अस्पताल बनाइएकाे छ । 

याे तस्बिर बेल्जियमकाे एक जाेडीकाे हाे । काेराेना भाइरसकाे सबैभन्दा धेरै खतरा वृद्धवृद्धामाथि छ । 

दुई सय १३ देश र दुई वटा अन्तर्राष्ट्रिय पानी जहाजमा काेराेना भाइरस फैलिँदा ४४ लाख ४६ हजारभन्दा धेरैमा सङ्क्रमण पुष्टि भएकाे छ । सङ्क्रमितमध्ये १६ लाख ७० हजारभन्दा धेरै उपचारपछि निकाे भएका छन् भने अहिलेसम्म दुई लाख ९८ हजारभन्दा धेरैकाे ज्यान गइसकेकाे छ ।