काठमाण्डाै – भारतीय कांग्रेस नेता राहुल गान्धीले शनिबार भिडियाे कन्फ्रेन्सकाे माध्यमबाट पत्रकार सम्मेलन गरे, जसमा देशभरका पत्रकारहरुले उनीसँग प्रश्न साेधेका थिए । 

उनले पत्रकार सम्मेलनमा भने, 'तुफान आएकाे छैन, आउँदैछ । ठूलाे मात्रामा आर्थिक क्षति हुँदैछ, यसलै सबैलाई चाेट पुग्नेछ ।' केन्द्र सरकारकाे आर्थिक प्याकेजमा ऋणकाे चर्चा गरिएकाे भए पनि त्यसबाट माग पूरा नहुने उनले बताए । आफूहरुले पैसा नदिँदा र माग बढ्दा देशले ठूलाे आर्थिक क्षति बेहाेर्नुपर्ने राहुल गान्धीले बताए ।

'काेराेनाले भन्दा धेरै क्षति हुनेछ । पैसा जबसम्म जनताकाे गाेजीमा पुग्दैन तबसम्म समस्या दूर हुँदैन । पैसा सिधै गरिबकाे गाेजीसम्म पुग्नु जरुरी हुन्छ । याे प्याकेजबारे फेरि चर्चा हुनुपर्छ', उनले भने । 

अहिलेकाे अवस्थामा माग र वितरण दुवै बन्द रहेकाे र माग सुरु नहुँदा वितरण पनि गर्न नसक्नु नकै खतरनाक भएकाे उनले बताए । राहुलले भने, 'यसर्थ मानिसहरुकाे गाजीमा पैसा दिनुपर्छ । जस्तै इन्जिन चल्नकाे लागि तेल चाहिन्छ । तेल भएन भने इन्जिन चल्दैन ।'

आर्थिक प्याकेज घाेषणापछि पनि मानिसहरुकाे अनुहारमा चिन्ता देखिएकाे राहुल गान्धीले बताए । 'उनीहरु सन्ताेष छैनन् । यसकाे कारण याे क्रेडिट प्याकेज हाे, पैसा दिइएकाे छैन, पैसा त मिल्ला तर कर्जासहित मिल्नेछ । तर पैसाकाे आवश्यकता अहिले नै छ । याे दाेषाराेपणकाे समय हाेइन, समस्या निकै ठूलाे छ । बीजेपी सरकारमा छ र औजार पनि उसकाे हातमा छ । उसकाे जिम्मेवारी धेरै छ', उनले भने । 

जाे मानिसहरु सडकमा हिँडिरहेका छन्, उनीहरुकाे मद्दत गर्नु सबैकाे कर्तव्य भएकाे उनले बताए । उनका अनुसार उनीहरुलाई पैसा दिनु र उनीहरुकाे हात समाउनु निकै जरुरी छ ।

लकडाउनकाे सम्बन्धमा उनले भने, 'लकडाउन हटाउनुपर्छ तर हाेसियारी र समझदारीपूर्वक हटाउनुपर्छ । याे कुनै आयाेजना हाेइन, याे एक जटिल प्रक्रिया हाे । हामी वृद्धवृद्धा, मुटुका बिरामी, किड्नीका बिरामीकाे ज्यान गएकाे हेर्न चाहँदैनाैँ । विना समझदारी लकडाउन हटाइए निकै क्षति हुनेछ ।'