कैलाली : पालिकामा राखिएका सशस्त्र प्रहरी शिविर सीमामा सारिँदै

जेठ ४, २०७७ आइतबार ११:१८:३१ | रासस

कैलाली - सरकारले पालिकहरुमा रहेका सशस्त्र प्रहरी बललाई सुरक्षाका लागि सीमामा राख्न थालेको छ ।

सीमामा प्रहरी राख्न थालेपछि स्थानीय तहमा राखिएका सशस्त्र प्रहरी शिविर खाली गरिएका छन् । यसैक्रममा जोशीपुरमा रहेको सशस्त्र शिविर शुक्रबार राति भजनी सीमामा सारिएको छ भने प्रतापपुरमा रहेको शिविर पनि एक दुई दिनमा सार्ने तयारीमा रहेको बुझिएको छ ।

लकडाउनकै समयमा सरकारले नाका र सीमा सुरक्षामा कडाइ गरेको छ । पछिल्लो एक महिनामा कैलालीको सीमा क्षेत्रमा सशस्त्र प्रहरीको सङ्ख्या बढाइएको छ । सरकारले कैलाली चार स्थानमा बिओपी र ४८ स्थानमा सशस्त्र प्रहरी बल नेपाल अस्थायी सुरक्षा आधार शिविर राखेको छ ।

यसरी सीमामा ६ सय ४० प्रहरी परिचालन गरिएको सशस्त्र प्रहरी बल ७ नं बाहिनी मुख्यालयले जनाएको छ । स्रोतका अनुसार सीमामा राखिएका बीओपी र कैलालीका स्थानीय तहमा भएका आधार शिविरमा २०० प्रहरी थिए भने ४ सय ४० जना पहाडी जिल्लाबाट झिकाइएका हुन् ।

एउटा चौकीमा १० देखि ३५ प्रहरी खटाइएको छ । कैलालीको सीमा १ सय १ किलोमिटर रहेको छ । सीमाबाट अनधिकृतरूपमा भारतबाट मानिस आउन थालेपछि र अतिक्रमण बढेपछि स्थानीय सरकारले सीमामा सशस्त्र प्रहरी खटाउन माग गर्दै आएका थिए ।

‘टीकापुर–८ श्रीलङ्कामा सीमा सुरक्षामा चुनौती बढ्दै गएको थियो, हामीले बीओपी स्थापना गर्न माग गरेका थियौँ । सरकारले अस्थायी जाँचचौकी स्थापना गरेको छ’, वडाध्यक्ष दीर्घबहादुर ठकुल्लाले भन्नुभयो, ‘अस्थायी जाँचचौकीले पनि सीमा सुरक्षालगायत शान्ति सुरक्षाका सवालमा धेरै राहत भएको महसुस गरेका छौँ ।’

स्थानीय तहमा भएका शिविर खाली गरिएपछि स्थानीय जनता भने चिन्तित भएका छन् । जोशीपुर क्षेत्रमा शान्ति सुरक्षाको चुनौती भएकै अवस्थामा सरकारले सशस्त्र शिविर हटाउन नहुने स्थानीयवासीको माग छ ।

‘शान्ति सुरक्षा चुनौती यथावत छ । सशस्त्र प्रहरी अन्यत्र नलग्नुपर्ने’, पूर्वगाविस अध्यक्ष वीरबहादुर हमालले भन्नुभयो, ‘सशस्त्र प्रहरीकै कारण जनताले राहत महसुस गरेका थिए । सशस्त्र गएपछि स्थानीय नागरिक भने दुःखी भएका छन् ।’

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्