कोरोना सङक्रमितले भरिए अस्पताल

जेठ ४, २०७७ आइतबार २०:१०:१५ | रासस

रुपन्देही – रुपन्देहीको सदरमुकाम भैरहवामा रहेको कोरोना विशेष भीम अस्पताल कोरोना सङ्क्रमित बिरामीले भरिएका छन् ।

प्रदेश नम्बर ५ सरकारले कोरोना विशेष अस्पतालका रूपमा स्थापना गरेको २७ शय्याको यस अस्पताल अहिले सङ्क्रमितले भरिएको अस्पतालका मेडिकल सुपरिन्टेन्डेन्ट नवीन दर्नालले जानकारी दिनुभयो ।

कुल २७ शय्या रहेको अस्पतालमा पाँच आईसीयू र तीन भेन्टिलेटर शय्या रहेको छ भने बाँकी साधारण शय्यामा २१ बिरामी राखिएको अस्पतालको सूचना शाखाले जनाएको छ । आईसीयू र भेन्टिलेटरमा सामान्य अवस्थामा रहेका बिरामी राख्न नमिल्ने भएकाले थप शैय्याको आवश्यकता देखिएको छ ।

अस्पतालमा कपिलवस्तुका पाँच, नवलपरासीका एक, रुपन्देहीका १४ र भारतका एक गरी कुल २१ छन् । तीमध्ये तीन महिला र १८ पुरुष रहेका छन् ।

चार वर्षदेखि ५० वर्षसम्मका कोरोना सङ्क्रमित अहिले अस्पतालमा भर्ना भएको अस्पतालका प्रवक्ता गोपाल उपाध्यायले बताउनुभयो । सबै बिरामी पीसीआर परीक्षणमा पोजेटिभ देखिएका हुन् ।

सबैको अवस्था सामान्य रहेको प्रवक्ता उपाध्यायले बताउनुभयो । सङ्क्रमित सबै भारतबाट लुकीछिपी नेपाल आएका हुन् । अस्पतालको आइसोलेशन शय्या भरिएपछि आपत्कालीन अवस्थामा आएका थप सङ्क्रमित राख्ने ठाउँ नभएको अस्पताल जनाएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्