भक्तपुरमा दुई जना कोरोना सङ्क्रमित निको भएर घर फिर्ता : नगरपालिकामा पीसीआर परीक्षण सुरु

जेठ ९, २०७७ शुक्रबार ७:४९:४ | रासस

भक्तपुर - भक्तपुरमा पहिलोपटक स्थानीयवासीमा कोरोना भाइरस सङ्क्रमित भेटिएपछि भक्तपुर नगरपालिकाले पीसीआर परीक्षण सुरु गरेको छ ।

सङ्क्रमित व्यक्ति बस्ने भेलुखेलमा भक्तपुर नगरपालिकाका केही सफाइ कर्मचारी पनि बस्ने भएकाले उच्च सतर्कता अपनाइएको नगरपालिकाले जनाएको छ । नगरपालिकाले जनतासँग प्रत्यक्ष सम्पर्कमा रहने कर्मचारीको पहिलो चरणमा कोरोना परीक्षणका लागि स्वाब सङ्कलन शुरु गरेको छ ।

आरडिटीमा त्रुटि देखिएपछि नगरपालिकाले त्यसलाई रोकेर पिसिआर परीक्षण शुुरु गरेको जनाएको छ । पहिलो चरणमा जनप्रतिनिधि, सफाइ कर्मचारी र स्वास्थ्य कर्मचारीको परीक्षणका लागि स्वाब सङ्कलन गरिएको छ । नगरपालिकामा जनप्रतिनिधि ४६, स्वास्थ्य कर्मचारी ४४ र सफाइ कर्मचारी १६० कार्यरत रहेको नगरपालिकाले जनाएको छ ।

त्यसैगरी सङ्क्रमणलाई समुदायमा फैलिन नदिन सङ्क्रमित बसोबास गर्ने क्षेत्रका ३५ घरलाई प्रहरीले बन्द गर्दै उनीहरुसँग प्रत्यक्ष सम्पर्कमा रहेका परिवारसहित १३ जनाको कोरोना परीक्षणका लागि स्वाब सङ्कलन गरिएको महानगरीय प्रहरी परिसर भक्तपुरका प्रहरी उपरीक्षक सविन प्रधानले जानकारी दिनुभयो । भक्तपुर ५ बस्ने ४२ वर्षीय काठमाडौँ महानगरपालिकाका सवारी चालकलाई कोरोना सङ्क्रमण भएपछि परीक्षण शुरु गरिएको हो ।

त्यसैगरी भक्तपुरमा कोरोना सङ्क्रमित पुष्टि भएका २७ वर्षीय पुरुष र २५ वर्षीया युवती बिहीबार डिस्चार्ज भएका छन् । गत वैशाख ३१ गते चाँगुनारायण नगरपालिका–१ दुवाकोटका पुरुष र सुनसरीबाट मध्यपुरथिमि– ४ शङ्खधर चोक नर्स साथीका कोठामा बस्ने २५ वर्षीया युवतीमा कोरोना पुष्टि भएपछि उनीहरुलाई शुक्रराज ट्रपिकल तथा सरुवा रोग अस्पतालमा टेकु अस्पतालमा राखेर उपचार गरिएको थियो । दुवै कोरोना भाइरसमुक्त भएपछि बिहीबार डिस्चार्ज गरिएको स्वास्थ्य तथा जनसङ्ख्या मन्त्रालयले जनाएको छ ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्