धनकुटाका सङ्क्रमित स्वास्थ्यकर्मी : कोभिड- १९ अस्पतालमा उपचार गराउँदै, अरुको उपचारमा सहयोग पनि गर्दै

जेठ ९, २०७७ शुक्रबार १२:४७:२६ | सुमन तिमल्सिना

मोरङ - विराटनगरको कोशी अस्पताल कोभिड-१९ उपचार केन्द्रमा उपचाररत धनकुटाका ४ जना सङ्क्रमित स्वास्थ्यकर्मीले अन्य सङ्क्रमित को उपचारमा डाक्टर नर्स हरुलाई सहायोग गरिरहेका छन् ।

जेठ ४ गते पहिलो पटक जिल्ला अस्पताल धनकुटाकी एक स्वास्थ्यकर्मीलाई कोरोना सङ्क्रमण पुष्टि भएपछि कन्ट्याक ट्रेसिङका आधारमा गरिएको स्वाब परीक्षणमा थपिएकामध्ये धनकुटाका चार स्वास्थ्यकर्मी कोभिड अस्पतालका अन्य ४६ जना सङ्क्रमितसँगै उपचार गराइरहेका छन् ।

उनीहरु आँफै उपचारमा रहेपछि उनीहरुले अन्य सङ्क्रमितको स्वास्थ्य परीक्षणका विभिन्न कार्यमा अस्पतालमा कार्यरत चिकित्सक तथा स्वास्थ्यकर्मीको कामलाई सघाउँदै आएका छन् ।

सामान्य अवस्थामा रहेका स्वास्थ्यकर्मीले अन्य सङ्क्रमितलाई कोरोनाका बारेमा सचेतना र डिस्चार्ज पछि गर्नुपर्ने कामका बारेमा पनि बताउने गरेका छन् ।

स्वास्थ्यकर्मी अस्पताल भर्ना भएसँगै सङ्क्रमितको उपचारमा सघाउँदै आएको कोभिड अस्पतालका फिजिसियन डा.डेन आचार्यले बताउनुभयो । डा. आचार्यले भन्नुभयो, कोभिड १९ सङ्क्रमित स्वास्थ्यकर्मीहरु सामान्य अवस्थाको हुनुहुन्छ, सङ्क्रमितलाई कोरोनाका बारेमा विभिन्न विषयमा जानकारी गराउँदै उपचार कार्यमा सघाउँदै आउनु भएको छ ।

कोभिड अस्पतालमा उपचारत एक सङ्क्रमितलाई निमोनिया भएको छ । निमोनिया भएका सङ्क्रमितको उपचारमा स्वास्थ्यकर्मीले सहयोग गरेका छन् ।

कोभिड अस्पतालमा चिकित्सकसहित २५ जना स्वास्थ्यकर्मीहरु उपचारमा खटिएका छन् । चिकित्सक तथा स्वास्थ्यकर्मीहरु ७ दिनका लागि कोभिड अस्पतालमा रहेका सङ्क्रमितको उपचारमा संलग्न रहन्छन् । ७ दिनको अस्पताल बसाईपछि उनीहरु १४ दिन क्वारेन्टाइमा बस्नेछन् ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुमन तिमल्सिना

सुमन तिमल्सिना मोरङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्