लिपुलेक विवाद समाधान गर्न दुवै देश वार्तामा बस्नुपर्छ : भारतीय रक्षा मन्त्री सिंह

जेठ १७, २०७७ शनिबार १९:२७:३५ | एजेन्सी

काठमाण्डाै – भारतीय रक्षा मन्त्री राजनाथ सिंहले नेपालसँगकाे सीमा विवाद वार्ताबाट नै समाधान गरिने बताएका छन् ।

भारतीय टेलिभिजन च्यानल आजतकसँगकाे अन्तर्वातामा उनले लिपुलेकलगायत क्षेत्रमा देखिएकाे सीमा विवाद वार्ताबाट नै समाधान गरिने बताएका हुन् ।

'लिपुलेककाे विषयमा नेपालसँग केही असमझदारी उत्पन्न भएकाे छ, जसलाई वार्ताकाे माध्यमबाट समाधान गर्न सकिन्छ', आजतकसँगकाे अन्तर्वार्तामा राजनाथ सिंहले भने । सीमा विवादकाे विषयमा दुवै देश वार्ताा बस्नुरपर्ने उनले बताए ।

साथै उनले चीनसँगकाे सीमा विवादमा पनि वार्ताबाटै समाधान खाेज्ने बताएका छन् । भारत कसैसँग पनि विवाद र युद्ध नचाहने उनकाे धारणा छ ।

गएकाे वैशाख २६ गते भारतीय रक्षा मन्त्री सिंहले दिल्लीबाट भिडियाे कन्फ्ररेन्समार्फत नेपाली भूमि कालापानी, लिपुलेक हुँदै चीनकाे तिब्बतमा रहेकाे मानसराेवर जाने सडककाे उद्घाटन गरेयता याे विषयले चर्चा पाइरहेकाे छ ।

त्यसलगत्तै नेपालले भारतले अतिक्रमण गरेकाे लिम्पियाधुरा कालापानी र लिपुलेक समेटेर नयाँ अद्यावधिक राजनैतिक तथा प्रशासनिक नक्सा सार्वजनिक गरेकाे थियाे ।

भारतले भने नेपालकाे नयाँ नक्सा आफूलाई मान्य नहुने बताउँदै आइरहेकाे छ । नेपाल–भारत सीमा विवादलाई लिएर दुवै देशबीच वार्ताकाे माध्यमबाट समाधान खाेजिनुपर्नेमा दुवै देशका प्रबुद्ध व्यक्तिहरुले जाेड दिँदै आएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्