डोटीमा स्वास्थ्यकर्मीमाथि कुटपिट

जेठ २०, २०७७ मंगलबार १८:५३:५७ | विमल बिष्ट

डोटी – डोटीको दानकोट स्वास्थ्य चौकीका अहेब रमेश कुवँरलाई तीन जनाको समूहले कुटपिट गरेको छ ।

शिखर नगरपालिका ९ दानकोट स्वास्थ्य चौकीमा कार्यरत कुवँरलाई गाउँको बाटो हिँड्दा कोरोना सङ्क्रमण फैलिने भन्दै जाँडरक्सी खाएका स्थानीय तीन जनाको समूहले कुटपिट गरेका जिल्ला प्रहरी कार्यालय डोटीका सूचना अधिकारी तथा प्रहरी निरीक्षक कर्ण बोहराले जानकारी दिनुभयो ।

कुटपिटमा संलग्न रहेको आरोपमा शिखर नगरपालिका ७ का नवीन खत्री, रोशन खत्री र तेज लुहारलाई पक्राउ गरिएकाे बोहराले जानकारी दिनुभयो । कुटपिटबाट घाइते हुनुभएका स्वास्थ्यकर्मी कुवँरलाई उपचारकाे लागि डडेल्धुरा अस्पताल पठाएको थियाे । उहाँकाे त्यहाँ उपचार सम्भव नभएपछि काठमाण्डौ रेफर गरिएको शिखर नगरपालिकाका स्वास्थ्य संयोजक हरिश शाहले जानकारी दिनुभयो ।

स्वास्थ्यकर्मीलाई कुटपिट गर्नेहरुलाई आवश्यक अनुसन्धान गरी कानुनी कारबाही अगाडि बढाउने प्रहरी निरीक्षक बोहराले बताउनुभएको छ ।

अन्तिम अपडेट: कात्तिक २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्