सुनको मूल्य १० हजार ४ सय रुपैयाँले बढ्यो : तोलाको ८७ हजार ४ सय

 जेठ २५, २०७७ आइतबार १३:२६:५ | उज्यालो सहकर्मी
unn.prixa.net

काठमाण्डौ - सुनको मूल्य तोलामा १० हजार ४ सय रुपैयाँले बढेको छ ।

 चैत १० गतेदेखि नेपाल सुनचाँदी व्यवसायी महासंघले सुनचाँदीको मूल्य सार्वजनिक गर्न बन्द गरेको थियो । 

तर आइतबार सार्वजनिक भएको मूल्यअनुसार तोलामा १० हजार ४ सय रुपैयाँले बढेर सुन प्रतितोला ८७ हजार ४ सय पुगेको छ । चैत १० गते सुनको मूल्य प्रतितोला ७७ हजार रुपैयाँ रहेको थियो । 

यस्तै चाँदीको मूल्य पनि ९ सय २५ रुपैयाँ प्रतितोला तोकिएको छ । चाँदी पनि २ सय ५ रुपैयाँ प्रतितोला महङ्गो भएको छ । जेठ १५ मा सार्वजनिक भएको बजेट अनुसार १० ग्राम सुनमा दुई हजार रुपैयाँ  रुपैयाँ भन्सार बढेको छ । 

अमेरिकी डलरमा आएको उछाल र सरकारले बढाएको भन्सारले सुनको भाउ एक लाख रुपैयाँ प्रतितोला पुग्ने अनुमान छ।

अन्तिम अपडेट: असार १, २०७७

तपाईको प्रतिक्रिया