सङ्क्रमितकाे सङ्ख्या ४ हजार नाघ्याे, आज थपिएका ३२३ कहाँका हुन् ?

जेठ २७, २०७७ मंगलबार १८:१०:० | उज्यालो सहकर्मी

काठमाण्डाै – नेपालमा कोरोना सङ्क्रमितको सङ्ख्या चार हजार नाघेको छ । मङ्गलबार तीन सय २३ जना नयाँ सङ्क्रमित थपिएसँगै कुल सङ्क्रमितकाे सङ्ख्या चार हजार ८५ पुगेको हो । विभिन्न जिल्लाका गरी दुई सय ९२ पुरुष र ३१ जना महिलामा कोरोना सङ्क्रमण पुष्टि भएको हो ।

प्रादेशिक प्रयोगशाला विराटनगरमा गरिएको परीक्षणमा तीन जनामा सङ्क्रमण पुष्टि भएको छ । त्यस्तै कोशी अस्पतालमा इलामका एक र धरानमा गरिएको परीक्षणमा सुनसरीका एक र सप्तरीका ६ जना गरी सात जनामा सङ्क्रमण भेटिएको छ ।

प्रादेशिक प्रयोगशाला भरतपुरमा गरिएको परीक्षणमा चितवनका २४, नवलपुरका तीन, धादिङका एक, कपिलवस्तुका एक र सप्तरीका एक गरी ३० जनामा सङ्क्रमण पुष्टि भएको छ । त्यसैगरी प्रादेशिक प्रयोगशाला पोखरामा गरिएको परीक्षणमा म्याग्दीका एक, नवलपुरका १२ र बाग्लुङका ११ जनामा कोरोना पोजेटिभ भेटिएको हो ।

प्रादेशिक प्रयोगशाला जनकपुरमा गरिएको परीक्षणमा ४१ जनामा सङ्क्रमण पुष्टि भएको छ । तीमध्ये धनुषाका २१, महोत्तरीका १९ र सर्लाहीका एक जना रहेका छन् । राप्ती स्वास्थ्य विज्ञान प्रतिष्ठान दाङमा गरिएको परीक्षणमा दाङकै ६ जनामा सङ्क्रमण पाइएको छ ।

त्यस्तै भेरी अस्पताल प्रयोगशालामा बाँकेका नाै जनामा सङ्क्रमण पुष्टि भएको छ । कर्णाली स्वास्थ्य विज्ञान प्रतिष्ठानमा जुम्लाका दुई जनामा सङ्क्रमण भेटिएको हो । प्रादेशिक अस्पताल सुर्खेतमा गरिएको परीक्षणमा सल्यानका १२ र सुर्खेतका चार जना गरी १६ जनामा सङ्क्रमण भेटिएको छ ।

त्यस्तै सेती प्रादेशिक अस्पताल प्रयोगशालामा दार्चुलाका १०, कञ्चनपुरका १९, डडेलधुराका सात र कैलालीका एक जना गरी ३७ जनामा सङ्क्रमण भेटिएको हो । प्रादेशिक अस्पताल रुपन्देहीमा रुपन्देहीका २० र कपिलवस्तुका २ गरी २२ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

मन्त्रालयका अनुसार राष्ट्रिय जनस्वास्थ्य प्रयोगशाला टेकु काठमाण्डौमा गरिएको परीक्षणमा एक सय २५ जनामा सङ्क्रमण पुष्टि भएको छ । तीमध्ये धनुषाका २४, कपिलवस्तुका सात, महोत्तरीका ३१, पश्चिम नवलपरासीका १२, नुवाकोटका दुई, रौतहटका २१, सर्लाहीका १६ र सिरहाका १२ जनामा सङ्क्रमण भेटिएको मन्त्रालयका प्रवक्ता डाक्टर जागेश्वर गौतमले बताउनुभयो ।

आज इलाम जिल्लामा पहिलो पटक सङ्क्रमण भेटिएको हो । अब सङ्क्रमित जिल्लाको सङ्ख्या ७२ पुगेको छ । मङ्गलबार थपिएकासहित तीन हजार सात सय ९८ पुरुष र दुई सय ८७ महिला रहेका स्वास्थ्य मन्त्रालयले जनाएको छ ।

अन्तिम अपडेट: मंसिर १७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सङ्क्रमितकाे सङ्ख्या ४ हजार नाघ्याे, आज थपिएका ३२३ कहाँका हुन् ?

मन्त्रालयका प्रवक्ता डाक्टर जागेश्वर गाैतम

तपाईको प्रतिक्रिया