विराटनगरमा एकैदिन ३९ जना कोरोना सङ्क्रमित डिस्चार्ज

असार ४, २०७७ बिहीबार ११:५४:२६ | उज्यालो सहकर्मी

विराटनगरको मोरङमा बिहीबार एकैदिन ३९ जना डिस्चार्ज भएका छन् । मोरङको गोठगाउँमा रहेको पूर्वाञ्चल विश्वविद्यालयको आइसोलेशन केन्द्रमा उपचार गराइरहेका १ सय १६ जनामध्ये ३९ जना डिस्चार्ज भएका हुन् ।

डिस्चार्ज हुनेमा झापा, मोरङ, सुनसरी र भोजपुरका १५ देखि ४७ बर्ष उमेर समूहका रहेको सामाजिक विकास मन्त्रालयले जनाएको छ । यसैबीच, प्रदेश १ मा सङ्क्रमितको संख्या ४ सय १६ पुगेको छ ।

प्रदेश १ का जिल्लाहरुमा सबैभन्दा बढी झापा जिल्लामा मात्र १ सय ७९ जना सङ्क्रमित छन् भने मोरङमा सङ्क्रमितको संख्या १ सय ९२ पुगेको छ । सुनसरीमा ६४ पुगेको छ भने उदयपुरमा ४७ , धनकुटामा ८ , भोजपुरमा ६, खोटाङमा ४, सोलुखुम्बुमा १ , संखुवासभामा २, इलाममा २ जना र तेह्रथुममा २ जना सङ्क्रमित रहेको प्रदेश सरकारले जनाएको छ ।

यसैगरी प्रदेश १ मा सङ्क्रमित थपिएसँगै निको भएर जानेको संख्या पनि बढेको छ । अहिलेसम्म डिस्चार्ज भएर फर्कनेको संख्या २ सय १६ छ ।

सङ्क्रमितको कोशी अस्पताल कोभिड १९ उपचार केन्द्र विराटनगरमा २९ जना र आइसोलेसन सेण्टरमा ७७ जनाको उपचार भइरहेको छ । उपचार गराईरहेका सङ्क्रमितमा कुनै लक्षण देखिएको छैन भने उनीहरुको स्वास्थ्य अवस्था सामान्य रहेको चिकित्सकले बताएका छन् ।

नयाँ सङ्क्रमितलाई आइसोलेशन अस्पतालमा ल्याउने तयारी भइरहेको सामाजिक विकास मन्त्रालयले जनाएको छ । यो अस्पतालमा नयाँ सङ्क्रमित ९ जना उपचारको लागि ल्याउँदै गरेको सामाजिक विकास मन्त्रालयले जनाएको छ ।

अन्तिम अपडेट: माघ २९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्