कुवेतबाट फर्किएर खरिपाटी क्वरेण्टीनमा रहेका ७ जनामा कोरोना पुष्टि

असार ६, २०७७ शनिबार २०:३५:४३ | उज्यालो सहकर्मी

भक्तपुर – कुवेतबाट फर्किएर भक्तपुरको चाँगुनारायण नगरपालिका ७ को खरिपाटी क्वरेण्टीनमा रहेका सात महिलामा कोरोना भाइरसको सङ्क्रमण पुष्टि भएको छ ।

स्वास्थ्य मन्त्रालयको नियमित पत्रकार सम्मेलनका क्रममा आज भक्तपुर भनेर जानकारी दिए पनि सङ्क्रमितहरु भक्तपुरका स्थायी बासिन्दा नभइ क्वरेण्टीनमा बसेका महिलाहरु रहेको महानगरीय प्रहरी परिसर भक्तपुरका प्रहरी उपरीक्षक सविन प्रधानले जानकारी दिनुभयो ।

सङ्क्रमण पुष्टि हुनेहरुमा मोरङकी ४२ र ४१ वर्षीया, कास्कीकी २३ वर्षीया, नवलपरासीकी २९ वर्षीया, झापा, बारा र सुर्खेतकी २८ वर्षीया महिला रहेका छन् । शरीरको तापक्रम बढी देखिएपछि कुवेतबाट नेपाल फर्किएकामध्ये प्रदेश १ र २ का एक सय नौ जनालाई भक्तपुरको होल्डिङ सेन्टरमा नराखी खरिपाटी क्वरेण्टीनमा राखिएको थियो ।

यसअघि गएको बिहीबार खरिपाटी क्वरेण्टीनमा रहेका नवलपुरको गैँडाकोट निवासी २२ वर्षीया महिलामा कोरोना सङ्क्रमण पुष्टि भएपछि त्यहाँ रहेका सबैको त्यही दिन स्वाब सङ्कलन गरिएको थियो ।

सङ्क्रमित प्रहरीको परिवारको कोरोना रिपोर्ट नेगेटिभ

त्यसैगरी गएको बिहीबार कोरोना भाइरस सङ्क्रमण पुष्टि भएका भक्तपुरको चाँगुनारायण नगरपालिका ५ छालिङका प्रहरीको परिवारका सबै सदस्यको स्वाब परीक्षणको रिपोर्ट नेगेटिभ आएको छ ।
महानगरीय प्रहरी परिसर भक्तपुरको सञ्चार शाखामा कार्यरत सङ्क्रमित प्रहरीको परिवारका आठ जनाको पीसीआर परीक्षणको रिपोर्ट नेगेटिभ आएको प्रहरी उपरीक्षक प्रधानले जानकारी दिनुभयो ।

त्यसैगरी सङ्क्रमित प्रहरीको सम्पर्कमा रहेका ३० प्रहरी कर्मचारीमध्ये २१ जनाको रिपोर्ट पनि नेगेटिभ आएको उहाँले जानकारी दिनुभयो । परिसरका नौ जना प्रहरी र भक्तपुर नपा ५ भोलाछेँका सङ्क्रमित पुरुषका परिवार एवं छिमेकी ११ जनाको भने रिपोर्ट आउन बाँकी छ ।

अन्तिम अपडेट: माघ २२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्