हरेक हप्ता १० लाख सङ्क्रमित थपिँदै, अक्सिजन अभावलाई लिएर विश्व स्वास्थ्य सङ्गठनकाे चेतावनी

असार ११, २०७७ बिहीबार १२:५१:१२ | एजेन्सी

काठमाण्डौ – विश्व स्वास्थ्य सङ्गठनले बुधबार विश्वभरमा कोरोना भाइरसबाट सङ्क्रमित हुनेको सङ्ख्या एक करोड नजिक पुग्न लागेको बताएको थियो । यही कारण विश्वमा अक्सिजन कन्सन्ट्रेटर (अक्सिजन दिने मेसिन) को अभावसँग जुधिरहेको विश्व स्वास्थ्य सङ्गठनले जनाएको छ ।

सङ्गठनका महानिर्देशक टेड्रोस एड्हानोम गेहब्रेयससले पत्रकार सम्मेलनमा भने, ‘कैयौँ देश अब अक्सिनज कन्स्नट्रेटर (मेसिन) को अभावसँग जुधिरहेका छन् । यो समय यो मेसिनको माग धेरै नै भएको छ ।’

उनले भने, ‘अहिलेसम्म विश्वमा ९५ लाख ३५ हजारभन्दा धेरै सङ्क्रमित भइसकेका छन् । चार लाख ८० हजारभन्दा धेरैको ज्यान गइसकेको छ । हरेक हप्ता १० लाखभन्दा धेरै सङ्क्रमित हुने गरेका छन् । यही कारण प्रतिदिन ८८ हजार ठूला अक्सिजन सिलिण्डर र ६ दशमलव २० लाख क्युबिक मिटर अक्सिजनको आवश्यकता देखिएको छ ।’

कोरोना सङ्क्रमणको दरमा अचानक वृद्धिको कारण अक्सिजन कन्स्नट्रेटरको कमी भएको हो, कोभिड–१९ सँग जुधिरहेका बिरामीका लागि अक्सिजन अति आवश्यक हुन्छ ।

डा. टेड्रोसले भने, ‘विश्व स्वास्थ्य सङ्गठनले अहिलेसम्म १४ हजार अक्सिजन कन्स्नट्रेटर खरिद गरेको छ र खरिद गरिएका ती अक्सिजन कन्स्नट्रेटरलाई आउँदो हप्ता एक सय २० देशमा पठाउने योजना छ । यसको साथै आउँदो ६ महिनामा ए दशमलव ७० कन्स्नट्रेटर, जसको मूल्य १० करोड डलर हुन्छ, त्यो मिल्ने सम्भावना छ ।’

विश्व स्वास्थ्य सङ्गठनको आपत्कालीन टिमका प्रमुख डाक्टर रियानले कैयौँ ल्याटिन अमेरिकी देशमा महामारी फैलिँदै गएको र त्यस क्षेत्रमा कोरोना सङ्क्रमणको कारण ज्यान गुमाउनेको सङ्ख्या एक लाख नाघिसकेको बताए ।

केही देशमा कोरोना सङ्क्रमणको दरमा पछिल्लो हप्ता २५ देखि ५० प्रतिशत वृद्धि भएको विश्व स्वास्थ्य सङ्गठनले बताएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्