संसदीय सुनुवाइ समितिले गर्‍याे प्रधानन्यायाधीशमा जाेशीकाे नाम अस्वीकृत

साउन १८, २०७५ शुक्रबार १४:१४:३३ | उज्यालो सहकर्मी

काठमाडाै‌ – संसदीय सुनुवाइ विषेश समितिले दिपकराज जोशीलाई प्रधानन्यायाधीशमा अस्वीकृत गरेको छ ।

सुनुवाई भएको ९ दिनपछि समितिले दुई तिहाई बहुमतबाट जोशीलाई प्रधानन्यायाधीशमा अस्वीकृत गरेको हो । नेपालको संसदीय इतिहासमा सम्बन्धित पदमा सिफारिस व्यक्तिको नाम सुनुवाइ समितिले पहिलो पल्ट अस्वीकृत गरेको हो ।

न्यायाधीश तथा संवैधानिक निकायका पदाधिकारी र राजदूतहरुको नाम संसदीय सुनुवाई विषेश समितिबाट अनुमोदन हुनु पर्ने संवैधानिक व्यवस्था छ । प्रधानन्यायाधीश जोशीलाई अस्वीकृत गर्ने भएपछि नेपाली कांग्रेसका सांसदले भने सुनुवाई समितिको बैठक बहिस्कार गरेका छन् ।

जोशीको कार्य सम्पादन चित्तबुझ्दो नभएको, नक्कली शैक्षिक योग्यताको विवादमा मुछिएको लगायत कारणले सत्तारुढ दल नेपाल कम्युनिष्ट पार्टी र संघीय समाजवादी फोरमका १० जना सांसदले जोशीको विपक्षमा मतदान गरेका थिए ।

मुख्य प्रतिपक्ष दल नेपाली कांग्रेसले न्यायालय सम्बन्धी गम्भीर विषयमा हचुवाका भरमा निर्णय गर्न नहुने भन्दै जोशीको नाम पारित गर्नुपर्ने वा छानविन समिति बनाउनुपर्ने माग गरेको थियो । १५ सदस्यीय समितिमा कांग्रेसका ४ जना मात्र सांसद सदस्य छन् ।

कसले के भने ?

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्