युराेपमा काेराेना सङ्क्रमण दर फेरि बढ्दै, डब्ल्यूएचओद्वारा चिन्ता व्यक्त

असार १२, २०७७ शुक्रबार १५:१२:१७ | एजेन्सी

काठमाण्डौ – विश्व स्वास्थ्य सङ्गठन (डब्ल्यूएचओ) ले युरोपमा कोरोना सङ्क्रमणको दर बढेको भन्दै चिन्ता व्यक्त गरेको छ । प्रतिबन्ध खुकुलो बनाइएका कारण पछिल्लो केही महिनामा पहिलो पटक युरोपमा सङ्क्रमित हुनेको दर बढेको छ ।

विश्व स्वास्थ्य सङ्गठनका क्षेत्रीय निर्देशक डाक्टर हन्स हेनरी क्लुगले युरोपमा ११ देशमा अचानक सङ्क्रमणको दर बढेको बताए । जसमा अर्मेनिया, स्विडेन, माल्डोवा र उत्तर म्यासिडोनिया धेरै प्रभावित छन् ।

आफूले यसअघि नै युरोपमा कोरोना सङ्क्रमणको दोस्रो प्रकोप हुन सक्नेबारे चेतावनी दिएको र त्यो अब वास्तविक जस्तो देखिएको उनले बताए । कोरोना प्रकोपलाई लिएर अझै सचेत नहुने हो भने ती देशको स्वास्थ्य क्षेत्र डामाडोल हुने भन्दै क्षेत्रीय निर्देशक क्लुगले सचेत गराएका छन् ।

विश्व स्वास्थ्य सङ्गठनका अनुसार युरोपेली क्षेत्रमा आउने ५४ देशमा अहिलेसम्म २६ लाखभन्दा धेरै सङ्क्रमित भइसकेका छन् भने एक लाख ९५ हजार जनाको ज्यान गइसकेको छ ।

विश्व स्वास्थ्य सङ्गठनको युरोपेली क्षेत्र निकै ठूलो छ, जसमा युरोपसँगै मध्य पूर्व र मध्य एसियाको पनि ५४ देश र सात क्षेत्र आउँछ ।

यस क्षेत्रमा प्रत्येक दिन औसतमा २० हजार सङ्क्रमण र सात सय जनाको मृत्यु भइरहेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्