नगरपालिकाको अनुदानमा किसानहरुलाई कागती र सुन्तला वितरण

असार १३, २०७७ शनिबार १०:२०:२३ | सन्ताेष रुचाल

धनकुटा – धनकुटाको पाख्रीवास नगरपालिकाले ७५ प्रतिशत अनुदानमा किसानलाई कागती र सुन्तलाको बिरुवा वितरण गरेको छ ।

पाख्रीवासका किसानहरुलाई फलफुल खेतीमा व्यवसायिक बनाउन ९३ जना किसानलाई ३ हजार बिरुवा वितरण गरिएको पाख्रीवास नगरपालिका कृषि शाखाकी प्रमुख ईन्द्रमाया तामाङले बताउनुभयो ।

नगर प्रमुख बृषबहादुर राईका अनुसार सबै वडाको दुईसय रोपनी क्षेत्रफलमा पुग्ने गरी किसानलाई कागती र सुन्तलाको बिरुवा वितरण गरिएको हो । किसानलाई फलफुल खेतीमा व्यवसायिक बनाउने भन्ने चालू आर्थिक वर्षको वर्षे कार्यक्रम अन्तर्गत बिरुवा वितरण गरिएको कृषि शाखाले जनाएको छ ।

कृषि र पर्यटनको प्रशस्त सम्भावना रहेको पाख्रीवास नगरपालिकाका १० वटै वडामा फलफुल खेती गर्न सकिन्छ ।

यस नगरपालिकाले पछिल्लो समय कृषि र पर्यटनको प्रवर्द्धन प्राथमिकता दिँदै आएको छ । कृषिबाट नगरवासीहरुलाई आत्मनिर्भर बनाउने उद्देश्यका साथ चालू आर्थिक वर्षदेखि नै पाख्रीवास नगरपालिकामा व्यावसायिक कफी खेती पनि सुरु गरिएको छ ।

कृषिसँगै पर्यटनको पनि प्रशस्त सम्भावना बोकेको पाख्रीवास नगरपालिकाको समृद्धिको लागि भर्खरै सम्पन्न भएको नगरसभाले पनि कृषि र पर्यटनलाई पहिलो प्राथमिकतामा राखेर बजेट विनियोजन गरिएको नगर प्रमुख राईले बताउनुभयो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सन्ताेष रुचाल

रुचाल धनकुटाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्