कोरोना सङ्क्रमित चार वर्षीया बालिकालाई अस्पताल पठाइयो

असार १४, २०७७ आइतबार ९:४०:१९ | उज्यालो सहकर्मी

भक्तपुर - मध्यपुरथिमि नगरपालिका-९ बोडे निलबाराहीकी ४ वर्षीया बालिकालाई कोरोना सङ्क्रमण पुष्टि भएपछि उपचारका लागि शिक्षण अस्पताल महाराजगञ्ज पठाइएको छ ।

बालिकालाई कोरोना सङ्क्रमण पुष्टि भएपछि उपचारका लागि अस्पताल पठाएको र बालिकाको ६ जना परिवारलाई घरमै क्वरेण्टीनमा राखिएको मध्यपुरथिमि नगरपालिकाका प्रमुख मदनसुन्दर श्रेष्ठले जानकारी दिनुभयो ।

पाँच दिनअघि बालिकालाई एपेन्डिसाइटिस भएपछि उपचारका लागि काठमाण्डौ मेडिकल कलेज ९केएमसी० सिनामङ्गल लगेपछि उनको स्वाब संकलन गरिएको थियो । चिकित्सकले एपेन्डिसाइटिस शल्यक्रिया गर्नु नपर्ने भन्दै औषधि दिएर पठाएको परिवारले बताएका छन् ।

बालिकाको पीसीआर रिपोर्ट शनिबार पोजिटिभ आएपछि उपचारका लागि पाटन अस्पताल लगे पनि बच्चाको वार्ड नभएपछि शिक्षण अस्पताल महाराजगञ्ज पठाइएको छ । नगर प्रमुख श्रेष्ठकाअनुसार सङ्क्रमित बालिकालाई कसरी कोरोना सङ्क्रमण भयो भन्ने पुष्टि भएको छैन । परिवार अन्त कतै सम्पर्कमा नगएको बताएका छन् । उनीहरुको एक हप्ताभित्र पीसीआर परीक्षण गरिने भएको छ ।

अन्तिम अपडेट: फागुन १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्