सर्लाहीमा ट्याक्टर धुने विषयमा नेकपा र कांग्रेस कार्यकर्ताबीच झडप

असार १५, २०७७ सोमबार ११:५६:० | उज्यालो सहकर्मी

सर्लाही – सर्लाहीको धनकौल गाउँपालिका २ मा गएराती झडप हुँदा १७ जना घाइते भएका छन् ।

ट्याक्टर धुने विषयमा विवाद भएपछि दुई पक्षीबीच झडप भएको र यसले राजनीतिक रुप लिएको स्थानीयबासिन्दाको भनाई छ । ट्याक्टरको निहुँमा कांग्रेस र नेकपाका कार्यकर्ताबीच झडप हुँदा १७ जना घाइते भएका हुन् । घाइतेमध्ये धेरैलाई भरुवा बन्दुकको छर्रा लागेको जिल्ला प्रहरी कार्यालय सर्लाहीले जनाएको छ ।

प्रहरीकाअनुसार बन्दुक कसले चलाएको हो भन्ने विषयमा अनुसन्धान भैरहेको छ । एक जनालाई प्रहरीले पक्राउ गरेको छ ।

घाइते सबैको अवस्था सामान्य रहेको र उनीहरुको जिल्ला अस्पताल मलंगवामा उपचार भइरहेको पनि प्रहरीले जनाएको छ ।

अन्तिम अपडेट: बैशाख ८, २०८१

सर्लाहीमा ट्याक्टर धुने विषयमा नेकपा र कांग्रेस कार्यकर्ताबीच झडप

तपाईको प्रतिक्रिया