काठमाण्डाै – शेयर बजार परिसूचक नेप्सेमा आज पनि उछाल आएको छ । हिजोजस्तै आज पनि तीन पटक सकारात्मक सर्किट ब्रेक लागेको नेप्से ७५ दशमलव ७७ अङ्क ( ६ दशमलव १) प्रतिशतले बढेर १३ सय ३६ दशमलव ५२ बिन्दुमा पुगेको छ ।

बजार खुलेको १३ मिनेटमा चार प्रतिशतले बढेपछि पहिलाे पटक कारोबार बन्द भएको थियो, ४० मिनेटपछि खुलेको बजार फेरि ५ प्रतिशतले बढेको थियो । ४० मिनेटपछि फेरि खुलेको शेयर बजार ६ प्रतिशतले बढेपछि आजको लागि कारोबार बन्द भएको छ ।

आज ४० करोड ७३ लाख रुपैयाँका ११ लाख एक हजार कित्ता शेयर किनबेच भएका छन् । आज होटल समूहबाहेक अरु सबैजसो समूहको शेयर उकालो लागेको छ ।

आज सिटिजन बैंकका लगानीकर्ताले १० प्रतिशतभन्दा धेरै कमाएका छन् भने २७ वटा कम्पनीको शेयर नौ प्रतिशतभन्दा धेरैले उकालो लागेको छ । तर नेशनल माइक्रोफाइन्स वित्तीय संस्थाका शयेरधनीले झण्डै चार प्रतिशत गुमाएका छन् ।