कमाण्डरले दिएको आदेश नमान्ने सहायक रथी र महासेनानी सेवाबाट बर्खास्त

 असार १७, २०७७ बुधबार १९:५९:२७ | उज्यालो सहकर्मी
unn.prixa.net

काठमाण्डाै – सैनिक आचरण उल्लङ्घन गरेको आरोपमा नेपाली सेनाले सहायक रथी र महासेनानीलाई सेवाबाट बर्खास्त गरेको छ ।

समरी जनरल सैनिक अदालतबाट दोषी ठहरिएका सहायक रथी सुरेन्द्रसिंहरावल र महासेनानी अनिल खड्कालाई सेवाबाट हटाइएको सैनिक मुख्यालयले जनाएको छ ।

उनीहरुले माथिल्लो कमाण्डरले लिखित रुपमा दिएको आदेश जानी जानी पालना नगरेको र ओहोदा अनुसारको जिम्मेवारी र आचरण पूरा नगरेको मुख्यालयले जनाएको छ ।

पारदर्शीता र जवाफदेहीता कायम गर्ने र दण्डहिनताको अन्त्य गर्ने नेपाली सेनाको वर्तमान नेतृत्वको लक्ष्य अनुसार शून्य सहनशीलता अपनाएर सङ्गठन सृदृढीकरण गरिने सेनाले जनाएको छ ।

 

अन्तिम अपडेट: चैत ९, २०८०

तपाईको प्रतिक्रिया