नेपालमा काेराेनाबाट निकाे हुनेकाे सङ्ख्या ५ हजार नाघ्याे

 असार १८, २०७७ बिहिबार १८:५१:१८ | उज्यालो सहकर्मी
unn.prixa.net

काठमाण्डौ – नेपालमा कोरोना भाइरसकाे सङ्क्रमणबाट निको हुनेको सङ्ख्या पाँच हजार नाघेको छ । 

पछिल्लो २४ घण्टामा थप ६ सय ३४ जना निको भएर डिस्चार्ज भएसँगै कोरोनाबाट निको भएर घर फर्किनेकाे सङ्ख्या पाँच हजार तीन सय २० पुगेको स्वास्थ्य तथा जनसङ्ख्या मन्त्रालयले जनाएकाे छ । 

नेपालमा अहिलेसम्म दुई लाख ३५ हजार सात सय जनामा कोरोना परीक्षण भएको छ । पछिल्लो २४ घण्टामा मात्रै चार हजार पाँच सय ३५ जनाको पीसीआर विधिमार्फत परीक्षण भएको छ ।

यसैबीच सरकारले पीसीआर परीक्षणलाई बढाउन थप दुई वटा पीसीआर परीक्षण गर्न सक्ने प्रयोगशाला थप गरेको छ । यससँगै कुल २५ वटा प्रयोगशालाबाट पीसीआर परीक्षण हुने छ । 

अन्तिम अपडेट: चैत १०, २०८०

तपाईको प्रतिक्रिया